رەسەي پرەزيدەنتى ۆلاديمير پۋتين رەسەيدەگى اقش ازاماتتارىنىڭ مۇلكىن تاركىلەۋگە رۇقسات بەرەتىن جارلىققا قول قويدى. پرەزيدەنت ءوز ارەكەتىن اقش-تاعى رەسەي اكتيۆتەرىنىڭ بۇعاتتالعانىنا قارسى جاۋاپ دەپ ءتۇسىندىردى. زاڭ جوباسىن تاسس اگەنتتىگى الەۋمەتتىك پاراقشاسىندا جاريالادى.
قۇجاتتا رەسەي ۇكىمەتى اقش ارەكەتىن «حالىقارالىق قۇقىققا قايشى» دەپ باعالايدى. جارلىققا سايكەس، اقش-تا مۇلىكتەرى تاركىلەنگەن رەسەيلىك كومپانيالار شەشىمدى نەگىزسىز دەپ تانىپ، رەسەي سوتىنا شاعىم تۇسىرۋگە قۇقىلى. ەگەر رەسەي سوتى اقش مەملەكەتتىك مەكەمەلەرىنىڭ شەشىمىن نەگىزسىز دەپ تانىسا، رەسەيدەگى اقش ازاماتتارىنىڭ مۇلكىن تاركىلەۋ ارقىلى شىعىننىڭ ورنىن تولتىرادى.
زاڭ جوباسىن ىسكە اسىرۋ ءۇشىن ارنايى كوميسسيا قۇرىلىپ، اقش-تىڭ زاڭدى تۇلعالارىنا تيەسىلى مۇلىكتى، سونىڭ ىشىندە شىعىننىڭ ورنىن تولتىرۋعا بولاتىن قۇندى قاعازداردى انىقتايدى.
پىكىر قالدىرۋ