ادىلەت ءمينيسترى ازامات ەسقارايەۆ ۇكىمەت جانىنداعى مەملەكەتتىك ءتىل ساياساتىن ىسكە اسىرۋ جونىندەگى كوميسسياسىنىڭ وتىرىسىندا "مەملەكەتتىك تىلدە زاڭ ازىرلەۋ ماسەلەسى" بويىنشا بايانداما جاسادى.
مينيستر بايانداماسىندا نورما شىعارۋ قىزمەتىندە قازاق ءتىلىن ودان ءارى دامىتۋ ماقساتىندا نورماتيۆتىك قۇقىقتىق اكتىلەردىڭ جوبالارىن ورىس تىلىنە اۋدارۋدى قامتاماسىز ەتە وتىرىپ، ولاردى قازاق تىلىندە ازىرلەۋ مىندەتىن كەزەڭ-كەزەڭىمەن زاڭنامالىق بەكىتۋ مۇمكىندىگىن پىسىقتاۋ مىندەتى كوزدەلگەنىن ايتا وتىرىپ، مينيستر ءتىل ماسەلەسىنە بايلانىستى ەكى باعىتقا توقتالىپ ءوتتى.
"ءبىرىنشى باعىت – تەرمينولوگيا ماسەلەسىن شەشۋ. زاڭنامالىق اكتىلەردىڭ ماتىنىنە قويىلاتىن تالاپتاردىڭ ءبىرى – بۇل تەرميندەردىڭ بىرىزدىلىگى. رەسپۋبليكالىق تەرمينولوگيالىق كوميسسيا بەكىتكەن تەرميندەر ۇسىنىمدىق سيپاتقا يە. سوندىقتان ءىس جۇزىندە، كوميسسيا ماقۇلداعاننان كەيىن دە، زاڭگەرلەر مەن فيلولوگتار اراسىندا ءبىر تەرميندى ءارتۇرلى ەتىپ اۋدارۋ توڭىرەگىندە پىكىرتالاستار ءجيى بولادى. سوندىقتان قازاقشا تەرمينولوگيالىق سوزدىكتەرگە رەسمي مارتەبە بەرۋ جانە ولاردى نورما شىعارۋ پروسەسىندە قولدانۋ قاجەت ەكەنىنە توقتالدى”، – دەيدى.
ال ەكىنشى باعىت – ءتيىستى ۇيىمداستىرۋشىلىق شارالاردى قابىلداۋ. بۇگىندە زاڭ جوبالارىن مەملەكەتتىك تىلدە ازىرلەۋ بويىنشا مامانداردان زاڭگەرلەردەن جانە عالىمداردان قۇرىلعان پۋل ءتىزىمى قالىپتاسقانى جانە بولاشاقتا سول مامانداردى زاڭ جوبالارىن ازىرلەۋ پروسەسىنە تارتۋ قاجەت ەكەنى ايتىلعان.
ادىلەت ءمينيسترى قازاق تىلىندە زاڭ جازۋعا، نورماتيۆتىك قۇجاتتاردى تۇزەۋگە "يكەمسىز" دەگەن تۇسىنىكتەن ارىلىپ، مەملەكەتتىك ءتىلدىڭ مول مۇمكىندىگىن كەڭىنەن پايدالانۋ قاجەت ەكەنىن اتاپ وتكەن. الداعى ۋاقىتتا بىرلەسىپ اتقارار جۇمىستاردا ايقىن ناتيجەلەرگە قول جەتكىزەتىنىنە سەنىمىن بىلدىرگەن.
پىكىر قالدىرۋ