جابىرلەنۋشىلەردىڭ ايتۋىنشا، جىل باسىندا ولار پەريناتالدىق ورتالىقتا بولعان، وندا بوسانعان ايەلدەردىڭ ءبىرى 5 ملن تەڭگە كولەمىندە كەپىلسىز نەسيە رەسىمدەۋگە كومەك ۇسىنعان. "قىزمەتى" ءۇشىن ول 90 مىڭ تەڭگە كولەمىندە اقشا سۇراعان.
ەكى بوسانعان ايەل وعان قاجەتتى سومانى كارتاعا اۋدارعان. الايدا ۋادە ەتىلگەن نەسيەنى دە، ءوز اقشاسىن دا الا الماعان جابىرلەنۋشىلەر پوليسياعا ارىزداندى.
پوليسيا قىزمەتكەرلەرىنە كۇدىكتىنىڭ جەكە باسىن انىقتاۋ قيىنعا سوققان جوق، ول وبلىس ورتالىعىنىڭ 34 جاستاعى تۇرعىنى بولىپ شىقتى.
الاياقتىق فاكتىسى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
