اقتوبەدە اتىس بولىپ، ءبىر ادام اۋرۋحانانىڭ جانساقتاۋ بولىمىندە قازا تاپتى. اتىس 27-نەن 28-ىنە قاراعان ءتۇنى بولعان. اقپاراتتى وبلىس اكىمدىگىنىڭ باسپا ءسوز قىزمەتى راستادى. 

28 مامىردا اقتوبە قالاسىنداعى جەدەل مەديسينالىق كومەك اۋرۋحاناسىنا 18 بەن 22 جاس ارالىعىنداعى 9 تۇرعىن جەتكىزىلگەن. ولار پىشاق جاراقاتىن الىپ،  اياقتارىنا وق تيگەن.

2006 جىلى تۋعان ازامات رەانيماسيادا كوز جۇمعان. بىرنەشە پىشاق جاراقاتىن العان ول 30 مينۋت بويى جانساقتاۋ بولىمىندە بولعان.  الايدا دارىگەرلەر ناۋقاستى امان الىپ قالا المادى. ال قالعان  8 ادام تراۆماتولوگيا بولىمىنە جەتكىزىلگەن. 

جەرگىلىكتى پوليسيا توبەلەسكە قاتىسقانداردى انىقتاپ، قىلمىس جاسادى دەگەن كۇدىكپەن 4 ادامدى ۇستادى. كۇدىكتىلەر ۋاقىتشا ۇستاۋ يزولياتورىنا قامالدى.