Epetition.kz پلاتفورماسىندا قازاقستاندا ءبىرتۇتاس ۋاقىت بەلدەۋىن جويۋ تۋرالى پەتيسيا پايدا بولدى. قۇجات اۆتورلارى ەلەكتر ەنەرگياسىن كوپ تۇتىنۋدىڭ سالدارىنان قارجىلىق شىعىنداردىڭ ارتۋى مەن دەنساۋلىققا ايتارلىقتاي زيان كەلتىرىلۋىنە بايلانىستى بۇرىڭعى ۋاقىت بەلدەۋىنە قايتا ورالۋدى تالاپ ەتىپ وتىر.
«ومىرلىك ماڭىزدى ەلەكتر ەنەرگياسىن تۇتىنۋدىڭ ورتاشا ەسەپشوتى 2024 جىلعى 1 ساۋىردەگى ەسەپ بويىنشا شامامەن 17 000 تەڭگەنى قۇرادى. بولاشاققا بولجام جاسايتىن بولساق، ۋاقىتتىڭ وزگەرۋى بۇل شىعىنداردى ايتارلىقتاي ارتتىرادى، اسىرەسە كۇزگى-قىسقى كەزەڭدە ىڭعايسىز»، دەلىنگەن تۇسىنىكتەمەدە.
ساۋدا جانە ينتەگراسيا مينيسترلىگى زاڭ بويىنشا تالاپ ەتىلەتىن 50 مىڭ داۋىس جيناعان جاعدايدا پەتيسيانى قاراۋعا ۋادە بەردى. پەتيسيا جاريالانعان كۇننەن باستاپ، دالىرەك ايتقاندا 36 كۇن ىشىندە قۇجاتقا 37 مىڭ ادام قول قويىپ ۇلگەرگەن.
پىكىر قالدىرۋ