تارازدا ورتاعاسىرلىق ۇلگىدەگى قامال سالىنىپ جاتىر. «ەجەلگى بەكىنىس» دەپ اتالعان جوبانى جۇزەگە اسىرۋعا قالالىق قازىنادان 656 ملن تەڭگە بولىنگەن.
بەكىنىس «تەكتۇرماس» تاريحي-مادەني كەشەن اۋماعىنداعى 2 گەكتار جەردە بولادى. قامال سىرتى تاۋ تاسىمەن قاپتالادى. ال قورعاننىڭ قابىرعاسى 12، ەنى 2،5 مەتر. مۇندا امفيتەاتردان بولەك، قولونەرشىلەر ورتالىعى سالىنىپ، تاريحي ينستاللياسيالار قويىلماق. جەرگىلىكتى بيلىك قۇرىلىسقا سالىنعان قىرۋار قارجىنى تۋريستەر ارقىلى اقتاپ الاتىنىنا سەنىمدى.
– 50 پايىز جۇمىس قالىپ وتىر، قىركۇيەكتىڭ اياعى، قازانعا دەيىن اياقتاۋى ءتيىس. امفيتەاترعا 400 ادامنان اسا سىيادى. قانداي دا ءبىر ءىس-شارا وتكىزەتىن الاڭ بولادى، – دەدى قالا اكىمىنىڭ ورىنباسارى قايرات يسمايل.
پىكىر قالدىرۋ