2024 جىلدىڭ 1 قاڭتارىنداعى ەسەپ بويىنشا الماتى وبلىسىندا بەلسەندى جۇمىس جاساپ كەلە جاتقان 135 مىڭعا جۋىق شاعىن جانە ورتا بيزنەس سۋبەكتىلەرى بار.  بۇل كاسىپورىندار وبلىستىڭ 245 مىڭعا جۋىق تۇرعىنىن جۇمىسپەن قامتاماسىز ەتىپ، ورتا جانە شاعىن بيزنەس سۋبەكتىلەرىنىڭ ءوڭىر ەكونوميكاسىنىڭ دامۋىنا قوسقان ۇلەسى زور ەكەنىن كورسەتەدى. بۇل تۋرالى ۇلتتىق ستاتيستيكا بيۋروسىنىنىڭ دەرەگىنە سۇيەنە وتىرىپ، وبلىس اكىمدىگى حابارلادى. 

الماتى وبلىسىندا شاعىن جانە ورتا بيزنەستى دامىتۋ مەملەكەتتىك ساياساتتىڭ نەگىزگى باعىتتارىنىڭ ءبىرى بولىپ تابىلادى. وبلىستا كاسىپكەرلىك بەلسەندىلىكتى ىنتالاندىرۋعا باعىتتالعان ءتۇرلى باعدارلامالار مەن قولداۋ شارالارى بار. ولاردىڭ قاتارىندا نەسيەلەر بويىنشا پايىزدىق مولشەرلەمەلەردى سۋبسيديالاۋ، بيزنەستى دامىتۋعا ءارتۇرلى گرانتتار بەرۋ، سونداي-اق كاسىپكەرلەرگە كەڭەس بەرۋ جانە ءبىلىم بەرۋ قىزمەتتەرى كىرەدى.

ءىسىن جاڭادان باستاعان جانە يننوۆاسيالىق كاسىپورىنداردى دامىتۋ ءۇشىن قولايلى جاعداي جاساۋعا ەرەكشە كوڭىل ءبولىنىلىپ جاتىر. قازىرگى تاڭدا وبلىستا كاسىپكەرلەردىڭ زاماناۋي تەحنولوگيالار مەن ينفراقۇرىلىمعا قولجەتىمدىلىگىن قامتاماسىز ەتەتىن بيزنەس-ينكۋباتورلار مەن تەحنوپاركتەر بەلسەندى جۇمىس ىستەپ جاتىر.

الماتى وبلىسىنىڭ ەكونوميكالىق دامۋى ءۇشىن  ورتا جانە شاعىن بيزنەس ورىندارى اسا  ماڭىزدى. بۇل كاسىپورىندار جۇمىس ورىندارىن اشۋعا جانە جۇمىسسىزدىقتى ازايتۋعا كومەكتەسىپ قانا قويماي، ءوڭىر ەكونوميكاسىن ءارتاراپتاندىرۋعا، سالىق تۇسىمدەرىن ارتتىرۋعا جانە حالىقتىڭ ءومىر ءسۇرۋ ساپاسىن جاقسارتۋعا ىقپال ەتەدى.

شوب-تى مەملەكەتتىك قولداۋ جانە بەلسەندى دامىتۋ تۇراقتى ەكونوميكالىق ءوسۋ، ينۆەستيسيالىق احۋالدى جاقسارتۋ جانە ءوڭىردىڭ باسەكەگە قابىلەتتىلىگىن ارتتىرۋ العىشارتتارىن جاسايدى. وسى ورايدا الماتى وبلىسى ەكونوميكالىق دامۋ جولىندا شاعىن جانە ورتا بيزنەس سۋبەكتىلەرىن ارتتىرۋدىڭ قانداي ناتيجە بەرەتىنىن كورسەتىپ، وزگە وبلىستارعا ۇلگى بولىپ وتىرعانىن ايتا كەتكەن ءجون.