الماتى وبلىسىنىڭ اكىمى مارات سۇلتاناعازييەۆ سينگاپۋر رەسپۋبليكاسى پارلامەنتىنىڭ سپيكەرى سەا كيان پەنمەن كەزدەستى، دەپ حابارلادى الماتى وبلىسى اكىمىنىڭ باسپا ءسوز قىزمەتى.

كەزدەسۋدە سينگاپۋر تاراپىنان دەلەگاسيا قۇرامىندا سزيانسي پروۆينسياسى حالىق ۇكىمەتى كەڭسەسى ديرەكتورىنىڭ سىرتقى ىستەر جونىندەگى ورىنباسارى، سزيانسي پروۆينسياسى دەنساۋلىق ساقتاۋ كوميتەتى ديرەكتورىنىڭ ورىنباسارى، سزيانسي پروۆينسياسى سزيۋسزيان ۋنيۆەرسيتەتىنىڭ رەكتورى، سزيانسي پروۆينسياسى حالىقتىق جينالىسى تۇراقتى كوميتەتى كەڭسەسى جانىنداعى ءبولىم باستىعىنىڭ ورىنباسارى بولدى. قازاقستان  تاراپىنان قازاقستان رەسپۋبليكاسىنىڭ سينگاپۋر رەسپۋبليكاسىنداعى اۆستراليا وداعىنداعى جانە جاڭا زەلاندياداعى توتەنشە جانە وكىلەتتى ەلشىسى - قۇتتىقادام اسقار، VIII سايلانعان قازاقستان رەسپۋبليكاسى پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى - قۇسبەكوۆ ولجاس، "Caspian Group" ديرەكتورلار كەڭەسىنىڭ ءتوراعاسى - سحاي يۋريي اندرەيەۆيچ، "Caspian Group" ديرەكتورى - كيم الەكساندر جانە "الاتاۋ" اەا باسشىسى - ساۋربەك جانىبەك قاتىستى.

كەزدەسۋ بارىسىندا وبلىس اكىمىنىڭ ورىنباسارى رۋستام يساتايەۆ "Alatau city" جوباسىن اعىلشىن تىلىندە تانىستىردى. تاراپتار ەكونوميكانىڭ ءتۇرلى سالالارىنداعى ەكىجاقتى ىنتىماقتاستىق ماسەلەلەرىن تالقىلادى. قازاقستاننىڭ سينگاپۋرمەن تىعىز ىنتىماقتاستىعى الماتى وبلىسىمەن قارىم-قاتىناستىڭ دامۋىنا دا وڭ اسەرىن تيگىزدى. ەكى تاراپتىڭ ءوزارا ءىس-قيمىلىنىڭ قىسقا مەرزىمدى جوسپارلارىندا تۋريزم مەن اۋىل شارۋاشىلىعىن دامىتۋ، ۇزاق مەرزىمدى جوسپارلاردا بالامالى ەنەرگەتيكا، تكش، ءبىلىم بەرۋ جانە اۋقىمدى ينۆەستيسيالىق جوبالار بولىپ تابىلادى.

– سينگاپۋردىڭ ءىرى كومپانيالارىنىڭ ەرەكشەلىگى – ولار ءوز كاپيتالىن باسقا ەلدەردىڭ ەكونوميكالارىن دامىتۋعا بەلسەندى تۇردە سالۋدا. الاتاۋ قالاسىندا جوبالاردى دۇرىس ىسكە اسىرۋ – ونى بۇكىل الەم بويىنشا ىلگەرىلەتۋ ءۇشىن وتە جاقسى مۇمكىندىك، – دەپ اتاپ ءوتتى مارات سۇلتانعازييەۆ.

مىسالى، قازىرگى ۋاقىتتا سينگاپۋرلىق "Surbana Jurong" كومپانياسىمەن بىرلەسىپ "الاتاۋ" ينتەگراسيالانعان قالاسىن سالۋ تۋرالى جوبا بويىنشا جۇمىس جالعاسۋدا. الماتى وبلىسىنداعى "الاتاۋ" ينتەگراسيالانعان قالاسىن دامىتۋ تۇجىرىمداماسىنا سايكەس جوبا ءتورت تاقىرىپتىق اۋداننان تۇراتىن بولادى: "Gate City" – ىسكەرلىك جانە قارجى ورتالىعى؛ "Golden District" – ءبىلىم بەرۋ جانە مەديسينالىق حاب؛ "Growing District" – يننوۆاسيالىق-يندۋستريالىق جانە ساۋدا-لوگيستيكالىق ايماق؛ "Green District" – تۋريستىك كلاستەر. الاتاۋ قالاسىندا شامامەن 2،2 ملن. ادام تۇرادى دەپ بولجانۋدا.

– الماتى وبلىسى-ەكونوميكالىق، وندىرىستىك، تۋريستىك الەۋەتى بويىنشا ەلىمىزدىڭ جەتەكشى وڭىرلەرىنىڭ ءبىرى. الاتاۋ قالاسىنىڭ الماتى مەن قونايەۆ قالالارى اراسىندا ورنالاسۋى ستراتەگيالىق تۇرعىدان وتە ماڭىزدى. بۇل تەك وسى ايماقتى عانا ەمەس، بۇكىل ەلدى دامىتۋدىڭ لوكوموتيۆىنە اينالادى. سينگاپۋرلىق جانە حالىقارالىق بيزنەس وسى جوبانى ىسكە اسىرۋعا قاتىسادى دەپ ۇمىتتەنەمىز، – دەپ اتاپ ءوتتى اسقار قۇتتىقادام.

ەكىجاقتى ينۆەستيسيالىق ىنتىماقتاستىق ايتارلىقتاي وسۋدە، ءتۇرلى باعىتتاردا جوعارى ناتيجەلەرگە قول جەتكىزىلدى. وتكەن جىلى ەلدەرىمىز اراسىنداعى ديپلوماتيالىق قاتىناستار 30 جىلدىعىن اتاپ ءوتتى. تاراپتار جاھاندىق باستامالارعا ءوزارا قولداۋ كورسەتەدى.

انىقتاما: ەكى ەلدىڭ تاۋار اينالىمىنىڭ كولەمى 2023 جىلعى جاعداي بويىنشا 1،6 ملرد دوللاردى قۇرادى. اقش، ەكسپورت – 1،5 ملرد دوللار، يمپورت – 75 ملن دوللار.

2023 جىلدىڭ جەلتوقسان ايىندا قر-دا سينگاپۋر كاپيتالىنىڭ قاتىسۋىمەن 143 زاڭدى تۇلعا، فيليالدار مەن وكىلدىكتەر تىركەلگەن.

سوڭعى ءۇش جىلدا ەلدەر اراسىنداعى تاۋار اينالىمى 16 ەسەدەن استام ءوستى.