ۇلتتىق ستاتيستيكا بيۋروسىنىڭ دەرەگىنشە بيىل ەل حالقىنىڭ سانى 20 ملن-نان اسقان. 

بۇل رەتتە جاس توپتارى بويىنشا مىناداي ءبولىنىس بايقالدى: 

• 25 جاسقا دەيىن — 8،5 ملن ادام (42،6%)
• 25 جاستان 65 جاسقا دەيىن — 9،7 ملن ادام (48،5%)
• 65 جاستان اسقان — 1،8 ملن ادام (8،9%).

قازاقستاندا حالىق سانى 2050 جىلدىڭ سوڭىنا قاراي 26،3 ملن ادامعا جەتەدى دەپ بولجانىپ وتىر. 

ءومىر ءسۇرۋ ۇزاقتىعى (حالىقتىڭ ءولىم-جىتىم دەڭگەيى قاراستىرىلىپ وتىرعان جىلمەن بىردەي بولعان جاعدايدا، ادامنىڭ ورتاشا ءومىر ءسۇرۋ ۇزاقتىعىنىڭ ءمانى) پاندەميا جاعدايىندا (2020-2021) تومەندەگەننەن كەيىن 2021 جىلعى 70،23-تەن 2023 جىلى 75،09 جاسقا دەيىن ءوستى.

بجزق-نىڭ دا، بۇۇ-نىڭ دا بولجامدارى ءومىر ءسۇرۋ ۇزاقتىعىنىڭ ۇلعايۋىنا بايلانىستى 2050 جىلعا قاراي دەموگرافيالىق قارتايۋدىڭ جوعارى دەڭگەيى بايقالاتىنىن كورسەتەدى.

ويتكەنى 60 جانە ودان جوعارى جاستاعى ادامداردىڭ ۇلەسى 2008 جىلعى 9،7%-دان 2023 جىلى 13،6%-عا دەيىن ءوستى جانە وسىلاي ءوسۋىن 2050 جىلعا قاراي 16،7%-عا دەيىن جالعاستىرا بەرمەك.

ياعني 2050 جىلعا ورتا ەسەپپەن ءاربىر التىنشى قازاقستاندىق 60 جانە ودان جوعارى جاستا بولادى.

60 جاستاعى جانە ودان اسقان ادامدار ۇلەسى 

حالىق قۇرىلىمىنا اسەر ەتەتىن نەگىزگى فاكتورلاردىڭ ءبىرى — جيىنتىق تۋۋ كوەففيسيەنتى (جتك). ول ءبىر ايەلدىڭ بالا تۋۋ قابىلەتى بار كەزەڭدە (ياعني 15 پەن 50 جاس ارالىعىندا) ورتاشا ەسەپپەن قانشا رەت بوسانا الاتىنىن كورسەتەدى.

2022 جىلدان باستاپ بۇل كورسەتكىشتىڭ 2023 جىلى 3،05-تەن 2،96-عا دەيىن تومەندەۋى بايقالدى. بۇۇ بولجامىنشا، قازاقستانداعى تۋۋ كوەففيسيەنتى 2050 جىلعا قاراي ءبىر ايەلگە شاققاندا 2،42 بالاعا دەيىن ودان ءارى تومەندەيدى. 

بالا تۋۋ كورسەتكىشىنىڭ تومەندەۋى — بۇكىل الەم ءۇشىن جاھاندىق ءۇردىس. تۋۋ كورسەتكىشتەرىنىڭ بىرتىندەپ تومەندەۋى جانە ءومىر ءسۇرۋ ۇزاقتىعىنىڭ ۇلعايۋى جاعدايىندا 1 ەڭبەككە قابىلەتتى ادامعا تۇسەتىن دەموگرافيالىق جۇكتەمە ارتادى.