ەلىمىزدە "ونەگەلى ۇرپاق" اكسياسى جالعاسىپ جاتىر. بۇگىن 1 مامىر - بىرلىك كۇنىنە وراي جانە اتالعان ناۋقان اياسىندا قونايەۆ قالاسىنىڭ اكىمى اسحات بەردىحانوۆ جالعىزباستى انانىڭ ۇيىنە بارىپ قايتتى. بۇل تۋرالى قونايەۆ قالاسىنىڭ باسپا ءسوز قىزمەتى حابارلادى. 

اكىم قونايەۆ قالاسىندا تۇراتىن 90 جاستاعى ۆالەنتينا اجەنىڭ حال-جاعدايىن سۇراپ قايتقان. بىرنەشە جىل بۇرىن اجەيدىڭ جارى قايتىس بولعان. ۆالەنتينا اجەي وتباسىمەن بىرگەن 1974 جىلى قونايەۆ قالاسىنا كوشىپ كەلگەن. قازىرگى تاڭدا زەينەتكەر اجەيدىڭ كۇيەۋى قاپشاعاي سەس-تا ەنەرگەتيك بولسا، ءوزى ينجەنەر-قۇرىلىسشى بولىپ قىزمەت اتقارعان. ال ەكىنشى دۇنيەجۇزىلىك سوعىس كەزىندە تىل ەڭبەككەرى بولعان. اجەيدىڭ جالعىز ۇلى بار. الايدا ول ءوز ەنشىسىن الىپ، اجەيدەن بولەك تۇرادى. ال ۆالەنتينا مارۋششەنكو وسى جەردەن كوشكىسى كەلمەيتىنىن، الەۋمەتتىك قىزمەتكەرلەر ۇنەمى كومەكتەسىپ جۇرەتىنىن ايتادى. ەل اراسىندا وتىرعان سوڭ ۇنەمى ىزدەپ كەلىپ، قولعانات بولعان الەۋمەتتىك قىزمەتكەرلەرگە ريزا ەكەنىن مالىمدەدى. 

ۇلكەنگە قۇرمەت، كىشىگە ىزەت كورسەتۋ كونەدەن كەلە جاتقان ءسالت-داستۇرىمىز. وسى ورايدا شاھار باسشىسى ۆالەنتينا مارۋششەنكوعا گۇل سىيلاپ، ازىق-تۇلىك سەبەتىن دە تابىستادى. اجەمەن بىرگە اۋلاعا اعاش ەكتى. جاس ەرىكتىلەر دە ءىس-شارادان تىس قالماي، ءۇيدىڭ اۋلاسىن قوقىستان تازارتىپ، ءشوبىن جۇلىپ، تازالىق جاسادى. بۇنداي ءىس-شارالار وسكەلەڭ ۇرپاقتى رۋحاني قۇندىلىقتارعا باۋلۋدا ۇلكەن ءرول اتقارادى. اجە ءحالىن سۇراۋعا كەلگەندەرگە اق باتاسىن بەرىپ، العىسىن ايتتى.