الماتى اكىمى ەربولات دوسايەۆ پەن Pacific Construction Group كومپانياسىنىڭ پرەزيدەنتى سونگ شاوتينمەن كولىك ينفراقۇرىلىمى (BRT، LRT، Metro)، سۋمەن جابدىقتاۋ، سۋ بۇرۋ وبەكتىلەرىن سالۋ جانە ت. ب. سالالارداعى ينۆەستيسيالىق ىنتىماقتاستىق پەرسپەكتيۆالارىن تالقىلادى، دەپ حابارلادى وڭىرلىك كوممۋنيكاسيالار قىزمەتى.

كەزدەسۋ بارىسىندا الماتى قالاسى مەن جۇڭگو حالىق رەسپۋبليكاسى اراسىندا دوستىق جانە سەرىكتەستىك قاتىناستار قالىپتاسقاندىعى اتاپ ءوتىلدى. 2023 جىلى الماتى مەن جۇڭگو اراسىنداعى تاۋار اينالىمى 22%-عا ۇلعايىپ، 9،4 ملرد. اقش دوللارىن (2022 ج. - 7،7 ملرد. اقش) قۇرادى. بۇگىنگى تاڭدا قالادا جۇڭگو كاپيتالىنىڭ قاتىسۋىمەن 1 914 كاسىپورىن جۇمىس ىستەيدى (ق ر – 3 427 كاسىپورىن).

كەزدەسۋ قورىتىندىسى بويىنشا تاراپتار ەكىجاقتى قارىم-قاتىناستاردى ودان ءارى نىعايتۋعا جانە ءوزارا ءتيىمدى سەرىكتەستىككە دايىن ەكەندىكتەرىن ءبىلدىردى.

Pacific Construction Group – قحر-داعى ەڭ ءىرى جەكە قۇرىلىس كومپانيالارىنىڭ ءبىرى، 1986 جىلى قۇرىلعان، شتاب-پاتەرى شىڭجاڭداعى ءۇرىمشى قالاسىندا ورنالاسقان. 10 جىل قاتارىنان كومپانيا Fortune Global 500 تىزىمىنە ەنىپ، الەمدىك قۇرىلىس يندۋسترياسىندا 1ء-شى ورىنعا يە بولدى. قىزمەتتىڭ نەگىزگى باعىتى – جولداردى، كوپىرلەردى، پورتتاردى جانە ونەركاسىپتىك وبەكتىلەردى سالۋدى قوسا العاندا، ءىرى ينفراقۇرىلىمدىق جوبالارعا ينۆەستيسيالار. سونداي-اق، كومپانيا شانحاي-نانكين، شانحاي-چجۋحاي، پەكين-شانحاي، پەكين-گونكونگ، ليانحۋو جانە جۇڭگو پروۆينسيالارىنداعى قالالاردىڭ قۇرىلىسىنا قاتىستى. قازىرگى ۋاقىتتا كومپانيادا 700 مىڭعا جۋىق قىزمەتكەر جۇمىس ىستەيدى.