وڭىرلەردى ەكونوميكالىق دامىتۋ جۇمىستارى بويىنشا ەلىمىزدە كوپتەگەن شارالار جۇيەلى تۇردە اتقارىلىپ كەلەدى. سونىڭ ىشىندە الماتى وبلىسىندا ءوڭىردى باسەكەلەستىكتى ارتتىرۋ بويىنشا "ورنىقتى ەكونوميكالىق ءوسۋ" جونىندەگى ۇلتتىق جوبالار؛ قازاقستاندىقتاردىڭ ءال-اۋقاتىن ارتتىرۋعا باعىتتالعان" شارالارعا اسا ءمان بەرىلىپ، جۇيەلى جۇمىستار اتقارىلۋدا. وسىعان سايكەس، الماتى وبلىسىندا ەركىن ەكونوميكالىق ايماقتار مەن ارنايى ستارتاپ-ينكۋباتورلار جۇمىسىنىڭ تاجىريبەسى مەن ەرەكشەلىكتەرىنە قاتىستى 21 مامىر كۇنى الماتى وبلىسىنىڭ اكىمى مارات سۇلتانعازييەۆ جانە «الاتاۋ» ارنايى ەكونوميكالىق ايماق ديرەكتورى جانىبەك ساۋربەك JTC كومپانياسىنىڭ سينگاپۋر باسشىسى نەلسون ليۋمەن كەزدەسۋ وتكىزدى.
جالپى JTC سينگاپۋرداعى باس جوسپارلاردىڭ، ارحيتەكتۋرالىق شەشىمدەردىڭ جانە كەلەسى ۇرپاق ۋربانيزاسياسىنىڭ باستاپقى ورىنداعى ازىرلەۋشىسى بولىپ تابىلادى.
كەزدەسۋدە نەلسون ليۋ يندۋستريالىق جانە ەركىن ەكونوميكالىق ايماقتار، ارنايى ستارتاپ-ينكۋباتورلار جۇمىسىنىڭ تاجىريبەسىمەن ءارى ەرەكشەلىكتەرىمەن ءبولىستى. ەكى تاراپ جەر رەسۋرستارىن باسقارۋ ءتارتىبى مەن تەتىكتەرىن، تىركەۋ ءتارتىبىن جانە تۇرعىندارعا قىزمەت كورسەتۋدى تالقىلادى. سونىڭ ىشىندە الماتى وبلىسىنىڭ باسشىلىعىنا دجۋرونگتاعى «Seletar» اەروعارىش ساياباعى مەن «Tuas» بيومەديسينالىق ساياباعىنداعى جاڭا اۋماقتاردى دامىتۋ كارتاسى ۇسىنىلدى.
كەزدەسۋ ناتيجەسىندە، تاجىريبە الماسۋ جانە قازاقستاندىق مامانداردى وقىتۋ تۋرالى كەلىسىمگە قول قويىلدى. سونىمەن قاتار نەلسون ليۋ قازاقستاندا وتەتىن بيزنەس-فورۋمعا شاقىرتۋ الدى.
جيىن بارىسىندا الماتى وبلىسىنىڭ ءوڭىردى دامىتۋ ءۇشىن وزىق حالىقارالىق تاجىريبەنى تارتۋعا ۇمتىلىسىنىڭ جارقىن مىسالى رەتىندە كورىنەدى. ياعني، ءتيىمدى يندۋستريالىق ايماقتارىمەن جانە جوعارى تەحنولوگيالىق شەشىمدەرىمەن تانىمال سينگاپۋر تاجىريبەسى، ينۆەستورلار ءۇشىن ايماقتىڭ تارتىمدىلىعىن ارتتىرۋ جانە ەكونوميكالىق ءوسۋدى جەدەلدەتۋدە قۇندى قۇرال بولىپ تابىلادى.
پىكىر قالدىرۋ