وعان «قازاقستاندىقتاردىڭ ءال-اۋقاتىن ارتتىرۋعا با­عىت­تالعان ورنىقتى ەكونوميكالىق ءوسۋ» جوباسى جاتادى. وسى ورايدا،  الماتى وبلىسىندا قونايەۆ پەن الاتاۋ قالالارىنىڭ دامۋى جوعارى ەكولوگيالىق، «اقىلدى» قالا تۇجىرىمداماسىنا سايكەس، ۇكىمەت بەكىتكەن كەشەندى دامۋ جوسپارىندا 2023-2027 جىلدارداعى 187 ءىس-شارانى جۇزەگە اسىرۋ كوزدەلگەن بولاتىن. سونىڭ ىشىندە، قالانى اباتتاندىرۋ، كولىك جانە ينجەنەرلىك ينفراقۇرىلىممەن قامتاماسىز ەتۋ، الەۋمەتتىك نىسانداردى سالۋ جونىندەگى جوبالاردى ىسكە اسىرۋعا مەملەكەتتىك بيۋدجەتتەن دە، جەكە سەكتور تاراپىنان دا ايتارلىقتاي قولداۋ كورسەتىلىپ كەلەدى.

جۋىردا پرەمەر-مينيستر ولجاس بەكتەنوۆ وسى ماسەلەگە بايلانىستى الماتى وبلىسىنا جۇمىس ساپارىمەن كەلىپ،  وسى جىلى ورىندالۋى ءتيىس نەگىزگى مىندەتتەرمەن، قونايەۆ قالاسىن دامىتۋ جونىندەگى ۇزاقمەرزىمدى جوسپارلارىمەن تانىستى. ۇكىمەت باسشىسى سونداي-اق ارنايى ەكونوميكالىق ايماق اۋماعىندا ءىرى جوبالاردى ىسكە اسىرۋ ماسەلەسىنە قاتىستى الاتاۋ اكىمىنىڭ بايانداماسىن تىڭدادى.

الماتى وبلىسىنىڭ اكىمى مارات سۇلتانعازييەۆ بايانداماسىندا قونايەۆ قالاسىنىڭ اباتتاندىرۋ جۇمىستارىنىڭ بەلسەندى جۇرگىزىلىپ كەلە جاتقاندىعىن ايتا وتىرىپ، بىلتىرعى جىلدىڭ قورىتىندىسىنا سايكەس، 106 كيلمەترلىك ينجەنەرلىك ينفراقۇرىلىم، سونىڭ ىشىندە 19 كيلومەتر بولاتىن اۆتوجول، 61 كيلومەتر ەلەكتر بەرۋ جەلىلەرى مەن 26 كيلومەتر سۋمەن جابدىقتاۋ جانە سۋ بۇرۋ جەلىلەرى جوندەلگەن-دى. ال ءتۇرعىنۇي ورامدارىنا قاتىستى 610 پاتەرلىك 10 ءۇي سالىنعان.  سونداي-اق وسىعان بايلانىستى بىلتىر 15 ءۇيدىڭ قۇرىلىسى باستالسا، بيىلعى 2024 جىلى 32 ءۇي باستالادى دەگەن جوسپارعا ەنگىزىلگەن. ياعني، بارلىعى – 1400 پاتەرلىك 47 ءۇي سالىنادى دەپ جوسپارلانۋدا. ال قازىرگى كەزەڭدە ون ءۇش ينۆەستيسيالىق جوبا جۇزەگە اسىرىلۋدا.

سونىڭ ىشىندە جالپى پۋل جوباسى بويىنشا 5 مىڭ جۇمىس ورنىن اشۋمەن قاتار كاپيتال سالىمدارىنىڭ جالپى كولەمى 470 ميللارد تەڭگە بولاتىن 23 پەرسپەكتيۆالىق ۇسىنىستارى دا بار.

سونداي-اق الماتى وبلىسىندا دەموگرافيالىق ءوسىمىن نازارعا الا وتىرىپ، اباتتاندىرۋ جۇمىستارى بويىنشا كولەمدى جۇمىستار جوسپارلانعان. ونىڭ ىشىندە «الماتى–وسكەمەن» تاسجولى قۇرىلىسىنىڭ تەحنيكالىق-ەكونوميكالىق نەگىزدەمەلەرىن ازىرلەۋ، «جاڭا ىلە» جاڭا ىقشاماۋدانىندا كوشە-جولدارىنىڭ جەلىسىن تارتۋ، تۇرعىن الاپتارعا كوممۋنيكاسيالار جۇرگىزۋ جۇمىستارى بار. الداعى 5 جىلدا قالادا وقۋشى ورىندارىنىڭ، زاماناۋي مەديسينالىق مەكەمەلەردىڭ، مادەني جانە سپورت نىساندارىنىڭ تاپشىلىعى پروبلەمالارىن شەشۋ كوزدەلگەن. ماسەلەن، قونايەۆ كىتاپحاناسىندا 600 ورىنعا ارنالعان وقۋشىلار سارايى، سپورت سارايى مەن دراما تەاترى سالىنادى.

ونكولوگيالىق، پەريناتالدىق كوپسالالى اۋرۋحانا، اۋىسىمدا 500 ادام قابىلدايتىن ەمحانا مەن 200 توسەك-ورىندى ينفەكسيالىق اۋرۋحانالار پايدالانۋعا بەرىلەدى.

ال Freedom finance تۋريستىك سالانى دامىتۋعا قاتىستى ينۆەستور رەتىندە ارەكەت ەتىپ، بانك جاڭا ورنالاستىرۋ وبەكتىلەرىن، ءقوناقۇي كەشەندەرىن سالۋ بويىنشا التى ينۆەستيسيالىق جوبالار ىسكە اسىرىلادى. جالپى كەشەندى جوسپار جوعارى ساپا ستاندارتتارىنا ساي جاڭا وبلىس ورتالىعىن دامىتۋدى جەدەلدەتۋگە مۇمكىندىكتەر اشىلدى. 

وسىعان سايكەس، پرەمەر-مينيستر الاتاۋ قالاسىنىڭ جوباسىمەن تانىسىپ، اكىم اركەن وتەنوۆتىڭ ارنايى ەكونوميكالىق ايماقتى دامىتۋ پەرسپەكتيۆاسىنا قاتىستى بايانداماسىمەن تانىستى. ارنايى ەكونوميكالىق ايماق اۋماعىندا 96،6 مىڭ گەكتاردا جالپى سوماسى 383 ملرد تەڭگەنى قۇرايتىن 11 ءىرى ينۆەستيسيالىق جوبانى ىسكە اسىرۋ جوسپارلارى مەن بۇل  جەتى مىڭ جۇمىس ورنىن اشۋعا مۇمكىندىكتەرىن بەردى. ا

ۇكىمەت باسشىسى قالا اكىمشىلىگىنە الەۋمەتتىك، ينجەنەرلىك جانە ءتۇرعىنۇي جوبالارىن ساپالى ىسكە اسىرۋعا بايلانىستى جاۋاپكەرشىلىكتىڭ سالماعى اۋىر بولاتىنىن ايتتى. ۇكىمەتتىڭ قابىلداعان قاۋلىسىنا سايكەس،  الاتاۋ قالاسىنىڭ باس جوسپارى بەكىتىلە وتىرىپ، جوبالاۋ شەڭبەرىندە قۇرىلىستىڭ بيىكتىگى – قالانىڭ ورتالىق بولىگىنەن ونىڭ شەكاراسىنا قاراي تومەندەتۋ جولىمەن قالىپتاستىرۋ قاعيداتتارى كوزدەلگەن. بۇعان قاتىستى ۇكىمەت باسشىسى:

- الماتىعا جاقىن ءتۋريزمدى بەلسەندى ارتتىرا وتىرىپ، ونەركاسىپتىك، ءبىلىم بەرۋ مەن لوگيستيكالىق ورتالىققا اينالاتىن ءىرى مەگاپوليس قۇرۋدى قامتاماسىز ەتۋىمىز قاجەت. باس جوسپاردىڭ ءاربىر تارماعىنىڭ ىسكە اسىرىلۋىن باقىلاۋدا ۇستاي وتىرىپ، ءبىرىنشى كەزەكتەگى ءىرى جوبالاردى رۇقسات قۇجاتتاماسىمەن قامتاماسىز ەتۋ ءۇشىن قالا اۋماقتارىنىڭ ەگجەي-تەگجەيلى جوسپارلاۋ جوبالارىن ازىرلەۋدى جەدەلدەتۋىمىز كەرەك، - دەيدى. 

جالپى «قازاقستاندىقتاردىڭ ءال-اۋقاتىن ارتتىرۋعا با­عىت­تالعان ورنىقتى ەكونوميكالىق ءوسۋ» جۇمىستارى ءالى دە جالعاسىن تابا بەرەدى.