27-29 ماۋسىم ارالىعىندا الماتىدا بيزنەس الەمىندەگى وسى جىلداعى ەڭ ەلەۋلى وقيعاسى – الماتى New Vision: بيزنەس كۇشى فورۋمى وتپەك. وعان الەمنىڭ تۇكپىر-تۇكپىرىنەن 50-دەن استام جەتەكشى ساراپشى مەن 1000-نان اسا ينۆەستورلار كەلمەك.

فورۋمدى Nobel Fest جانە Young Presidents Organization Kazakhstan (YPO) بىرلەسىپ ۇيىمداستىرىپ وتىر. ۇيىمداستىرۋشىلار فورۋم جاي عانا ءىس-شارا ەمەس، تاجىريبە، قۇندى كەڭەستەر مەن يننوۆاسيالىق يدەيالار الماسۋدىڭ ناعىز الاڭىنا اينالادى دەپ وتىر.

ءىس-شارا اياسىندا ەڭ وزەكتى ترەندتەر مەن تەندەنسيالار جايلى بيزنەس الەمىنىڭ تومەندەگىدەي جۇلدىزدارى ءوز ويلارىن بولىسەدى:

• ريچارد برەنسون – ميللياردەر، ۆيزيونەر، Virgin Group كومپانياسىنىڭ نەگىزىن قالاۋشى جانە باس ديرەكتورى.
• دجەفف حوففمان – com/Booking.com، uBid.com تەڭ قۇرىلتايشىسى، ەلەكتروندى كوممەرسيا سالاسىنداعى نوۆاتور، جاھاندىق كاسىپكەر، ميللياردتىق كورپوراسيالاردىڭ باس ديرەكتورى.
• برايان ترەيسي – ءوزىن-وزى دامىتۋ بويىنشا الەمدەگى ەڭ تانىمال ساراپشى.
• اللان پيز – نەتۆوركينگ بويىنشا الەمدىك ساراپشى، «دەنە ءتىلى» جاھاندىق بەستسەللەرىنىڭ اۆتورى.
• جوزە بارروزۋ – Goldman Sachs’ International Advisors ءتوراعاسى، پورتۋگاليا پرەمەر-مينيسترى (2002-2004)، ەۋروپالىق كوميسسيانىڭ ءتوراعاسى (2004-2014).
• دجەسسيكا كوكس – موتيۆاسيالىق سپيكەر جانە لايف-كوۋچ. گيننەسس رەكوردتار كىتابىنا ەنگەن. ەكى قولى جوق بولىپ دۇنيەگە كەلگەن دجەسسيكا ۇشاق باسقارادى، كولىك جۇرگىزەدى، اكۆالانگپەن سۋدا سۇڭگيدى، جەكپە-جەك ونەرىندە قارا بەلبەۋ يەگەرى.
• ۆينيتا گۋپتا – يننوۆاسيالار بويىنشا حالىقارالىق ساراپشى، اقش-تا ءوز كومپانياسىن IPO-عا ءساتتى شىعارعان العاشقى ءۇندى ايەلى.
• ايدىن راحىمبايەۆ – ەلدەگى ەڭ ءىرى قۇرىلىس حولدينگتەرىنىڭ ءبىرى BI Group حولدينگىنىڭ ديرەكتورلار كەڭەسىنىڭ ءتوراعاسى.
• تيمۋر تۋرلوۆ – قازاقستاندىق كاسىپكەر جانە قارجىگەر، Freedom Holding Corp كومپانياسىنىڭ باس اتقارۋشى ديرەكتورى.
• ارمانجان بايتاسوۆ – بەلگىلى قازاقستاندىق  مەديا مەنەدجەر، كاسىبي جۋرناليست، Tan Media Group باسشىسى،  ترك «31 كانال» جانە قازاقستانداعى تاعى دا باسقا تاۋەلسىز ب ا ق نەگىزىن قالاۋشىسى.

New Vision اياسىندا ءتۇرلى فورماتتار قاراستىرىلعان: پانەلدىك سەسسيالار، ۆوركشوپتار، كورمە، تالىمگەرلىك ايماعى، اشىق پىكىرتالاستار.

بيىل فورۋمعا ديماش قۇدايبەرگەن قاتىسپاق. الەمگە ايگىلى ءانشى ءوزىنىڭ ەڭ تانىمال حيتتەرى مەن جاڭا اندەرىن ورىنداپ، ارنايى باعدارلاما ۇسىنادى.

50-دەن استام ءتۇرلى سەسسيالاردا ساراپشىلار جاساندى ينتەللەكت الەمىندەگى ادامزاتتىڭ بولاشاعى، زاماناۋي ترەندتەر مەن تەحنولوگيالار، دامۋ ستراتەگيالارى، بيزنەستى ۇلعايتۋ، گەوساياسات، مەگاترەندتەر جانە ولاردىڭ الەم بولاشاعىنا اسەرى سياقتى تاقىرىپتاردى كوتەرەدى.

اتالعان سەسسيالار اياسىندا فورۋم قاتىسۋشىلارىنا تومەندەگىدەي مۇمكىندىكتەر ۇسىنىلادى:

• زاماناۋي الەمدەگى بيزنەستى جۇرگىزۋدىڭ قيىندىقتارى مەن مۇمكىندىكتەرىن تالقىلاۋعا؛
• پەرسپەكتيۆتى ينۆەستيسيالىق مۇمكىندىكتەر مەن نارىق ترەندتەرى تۋرالى بىلۋگە؛
• باسقا كاسىپكەرلەرمەن تاجىريبە الماسۋ ارقىلى ءوز بيزنەسىن دامىتۋ ءۇشىن كەڭەس پەن قولداۋ الۋعا؛
• ارىپتەستەرىڭىزبەن دامۋ ستراتەگيالارىن تالقىلاۋ ارقىلى ىسكەرلىك قاتىناستى كەڭەيتۋگە جانە جاڭا سەرىكتەستىكتەر تابۋعا؛
• بيزنەستەگى تابىستى كوشباسشىلار مەن ساراپشىلاردان شابىت پەن موتيۆاسيا الۋعا؛
• ءىرى كومپانيالاردىڭ قۇرىلتايشىلارىمەن تانىسىپ، ولاردىڭ تابىس قۇپيالارىن بىلۋگە.

قازاقستانداعى سۋ تاسقىنىنا بايلانىستى ءىس-شارادان تۇسكەن تابىستىڭ 50%-ىن زارداپ شەككەن وڭىرلەرگە اۋدارۋ تۋرالى شەشىم قابىلداندى.

وسىلايشا، فورۋمنىڭ ءاربىر قاتىسۋشى سۋ تاسقىنىنان زارداپ شەككەندەرگە كومەك كورسەتۋگە ۇلەس قوسا الادى.

فورۋم اياسىندا كاسىپكەرلەر وزدەرىنىڭ جاڭا ونىمدەرى مەن قىزمەتتەرىن نارىققا ۇسىناتىن جاھاندىق بيزنەس كورمەسى وتەدى. بۇدان بولەك، ستارتاپتار ءۇشىن ينۆەستورلاردىڭ نازارىن اۋدارۋعا جانە بيزنەس-مۇمكىندىكتەردى كەڭەيتۋگە قايتالانباس مۇمكىندىك ۇسىناتىن پيچينگ-سەسسيالار ۇيىمداستىرىلادى. 

قاتىسۋشالار سونداي-اق بيزنەستەگى الەمدىك كوشباسشىلارمەن جابىق ماستەر كلاسستارعا، ۆوركشوپتارعا جانە جاھاندىق YPO مۇشەلەرىمەن كەشكى استارعا قاتىسا الادى.

بيلەتتەر مەن فورۋم تۋرالى جاڭالىقتار https://newvision.academy/ سايتىندا.