مۇحتار ماعاۋين سوڭعى سۇحباتتارىنىڭ بىرىندە جەر ساتۋ ماسەلەسى بويىنشا شەرحان مۇرتازانى، فاريزا وڭعارسىنوۆانى جانە دۋلات يسابەكوۆتى ايىپتايدى. وسى جايلى «كۇلتوبە» ارناسىنىڭ ءجۋرناليسى بەرىكبول تولەگەن جازۋشىنىڭ وزىنەن سۇراپ-ءبىلدى.
«بۇل جەر ساتىلماي قويمايدى. ءبىراق مەنىڭ ايتقان ءسوزىمدى مۇحتار ماعاۋين بۇرمالاپ ايتتى. مەن «تەك قازاقستاننىڭ ازاماتىنا ساتىلسىن» دەگەنمىن. كەلىمسەكتەرگە بەرىلسە بولادى. ال شەتەلدىك ازاماتتارعا مۇلدە جەر ساتىلماۋىءتيىس. ولارعا جالعا بەرسە، بەرەتىن شىعار.ماسەلەن، قىتايلارعا بەرسەك، ءومىرى ايىرىلمايدى. ءبىر جەرءدى ساتىپ السا، ءبارىن جۇمىسشى دەپ الىپ كەلەدى. ءسويتىپ ءوز جەرىمىزدەن ءوزىمىز ايىرىلىپ قالامىز. جالپى شەتەلگە جەر ساتۋدى قولداعان جوقپىن»، - دەدى دۋلات يسابەكوۆ.
دۋلات يسابەكوۆ ءماعاۋيننىڭ شەرحان مۇرتازا مەن تۇرار رىسقۇلوۆ جايلى ايتقان پىكىرىمەن، «رىسقۇلوۆ اشارشىلىقتى قولدان ۇيىمداستىردى» دەگەن ويىمەن تولىق كەلىسە المايتىنىن ايتتى.
«شەرحان مۇرتازا جەر ساتىلماي قويمايتىنىن بىلگەننەن كەيىن قولداسا قولداعان شىعار. ەگەر تۇرار رىسقۇلوۆ اشارشىلىق جايلى سونداي حات جازعان بولسا، مەن دە كەشىرە الماس ەدىم. ءبىراق قولىما ونداي حات تۇسكەن جوق. مۇحتاردىڭ قولىنا حات ءتۇستى مە، تۇسپەدى مە، قايدام. مۇمكىن زورلاپ ايتقىزعان شىعار. ال مۇحتار ماعاۋين تەك جەكە باستىڭ قامىن ويلايتىن ادام. ەكەۋمىز ايتىسىپ ءجۇرىپ، سوڭىندا مەن نۇكتەسىن قويعانداي بولدىم. ماعان دا ايتپاعان ءسوزى جوق. «ءۇش-تورت شىعارماسىن شەتتىلىنە اۋدارتىپ، وزىنشە ءماز بوپ ءجۇر» دەدى. 28 پەسا، 14 پروزالىق شىعارما، 1 رومان جازۋشى ءۇشىن از با؟ پەسالارىم انگليانىڭ ءتورى لوندوننان باستاپ، الەمنىڭ ون ءبىر ەلىندە ناسيحاتتالىپ جاتىر. كىتاپتارىم مەن شىعارمالارىم ناشار بولسا، شەتەلدە باسىلىپ شىقپاس ەدى عوي. ماعاۋين امەريكاعا بارعاندا نە ىستەدى؟ قازاق ادەبيەتى مەن باتىس ادەبيەتىن سالىستىرىپ، ماقالا جازاتىن شىعار دەپ ەدىم. تۇركيادا قازاق-تۇرىك مادەنيەتى مەن ادەبيەتى جايلى ۇلكەن ماقالا جازاتىن شىعار دەپ ويلاپ ەدىم. قازاقستانداعى ازاماتتارمەن ايتىسۋمەن-اق، كۇنىڭ ءوتىپ جاتىر.«مەن» دەگەن رومان جازدى»، - دەدى دۋلات يسابەكوۆ «كۇلتوبە» ارناسىنا.
پىكىر قالدىرۋ