پرەمەر-مينيستردىڭ ءبىرىنشى ورىنباسارى رومان سكليار ءوز قىزمەتىنە قوسا ۇلتتىق ينۆەستيسيالىق ورتالىقتى باسقاراتىن بولادى. بۇل تۋرالى پرەمەر-مينيستردىڭ قاۋلىسىندا جازىلعان.
"ينۆەستيسيالىق قىزمەت جونىندەگى ۇلتتىق ورتالىق قۇرىلسىن. ۇلتتىق ورتالىق ءوز قىزمەتىن ۇكىمەت اپپاراتىنىڭ يندۋستريالىق جانە ينفراقۇرىلىمدىق دامۋ ءبولىمىنىڭ قۇرىلىمى نەگىزىندە جۇزەگە اسىرادى. پرەمەر-مينيستردىڭ ءبىرىنشى ورىنباسارى رومان سكليار ءوز قىزمەتىنە قوسا ۇلتتىق ينۆەستيسيالىق ورتالىقتى باسقاراتىن بولادى"، — دەلىنگەن قاۋلىدا.
رومان سكليارعا جاڭا مەملەكەتتىك قۇرىلىمنىڭ باسشىسى رەتىندە جۇكتەلگەن مىندەتتەر:
- يقۇو جۇمىسىن ۇيىمداستىرۋ جانە يقۇو جۇمىسىنا مەملەكەتتىك ورگاندار مەن كۆازيمەملەكەتتىك ۇيىمداردىڭ وكىلدەرىن تارتۋ؛
- يقۇو-عا جىبەرىلگەن جۇمىسكەرلەردىڭ مىندەتتەرى مەن فۋنكسيونالدىق مىندەتتەرىن ايقىنداپ، قاجەت بولعان جاعدايدا مەملەكەتتىك ورگاندار مەن كۆازيمەملەكەتتىك ۇيىمداردىڭ باسشىلارىنا جۇمىسكەرلەردى اۋىستىرۋ جونىندە ۇسىنىستار ەنگىزۋ؛
- مەملەكەتتىك ورگاندار مەن كۆازيمەملەكەتتىك ۇيىمدار باسشىلارىنىڭ اتىنا يقۇو-عا جىبەرىلگەن جۇمىسكەرلەردى كوتەرمەلەۋ نەمەسە جازالاۋ تۋرالى ۇسىنىستار ەنگىزۋ؛
- پرەمەر-مينيستردىڭ ءبىرىنشى ورىنباسارىن يقۇو جۇمىسىنىڭ تۋرالى توقسانىنا ءبىر رەتتەن حاباردار ەتىپ تۇرۋ؛
- يقۇو جۇمىس توپتارىن قۇرۋ.
پىكىر قالدىرۋ