ەلتاڭبانى وزگەرتۋ ماسەلەسى كۇن تارتىبىنەن الىندى. بۇل تۋرالى Vlast.kz باسىلىسىنا مادەنيەت جانە اقپارات مينيسترلىگى حابارلاعان.
ۆەدومستۆو ەلتاڭبانى وزگەرتۋ جاقىن ۋاقىتتا تالقىلانبايتىنىن ءمالىم ەتتى.
بۇعان دەيىن پرەزيدەنت قاسىم-جومارت توقايەۆ ۇلتتىق قۇرىلتايدا مەملەكەتتىك ەلتاڭبانى وزگەرتۋدى ۇسىنعان.
– ەلتاڭبامىزعا قاتىستى سىني پىكىرلەر ايتىلىپ قالادى. ونى كەڭەس زامانىنداعى گەربكە ۇقساتىپ جاتادى. تىم ەكلەكتيكالىق، كۇردەلى دەيدى. مۇنداي ويدى ەل ىسىنە بەي-جاي قارامايتىن بەلسەندى ازاماتتار عانا ەمەس، ماماندار دا ايتىپ ءجۇر. ورىندى پايىمدار ەسكەرۋسىز قالماۋى كەرەك. ورتاق كەلىسىمگە كەلگەن جاعدايدا ارناۋلى كوميسسيا قۇرۋعا بولادى. بۇل كوميسسيا ماسەلەنى جان-جاقتى قاراستىرىپ، قوعامدىق تالقىلاۋ وتكىزەدى. سوسىن قازاقستاننىڭ جاڭا ەلتاڭباسىنىڭ جوباسىن جاساۋعا اشىق بايقاۋ جاريالانادى، – دەگەن توقايەۆ.
پىكىر قالدىرۋ