قوستاناي وبلىسىندا دارىگەرلىك امبۋلاتوريالار سالاتىن كومپانيانىڭ باس ينجەنەرىنەن پارا العان لاۋازىمدى تۇلعا ۇستالدى. بۇل تۋرالى قارجىلىق مونيتورينگ اگەنتتىگى حابارلادى.
اۆتورلىق قاداعالاۋ توبىنىڭ باسشىسى امبۋلاتوريانى پايدالانۋعا بەرەتىنىن راستايتىن قۇجاتقا قول قويعانى ءۇشىن "اۋىلدىق دەنساۋلىق ساقتاۋدى جاڭعىرتۋ" ۇلتتىق جوباسى شەڭبەرىندە دارىگەرلىك امبۋلاتوريالار سالاتىن كومپانيانىڭ باس ينجەنەرىنەن 9 ملن تەڭگە پارا العان.
زاڭسىز سىياقى مولشەرى كورسەتىلگەن وبەكتىلەردى سالۋ قۇنىنىڭ جالپى سوماسىنىڭ 1% تەڭ. قازىرگى ۋاقىتتا تەرگەۋ جۇمىستارى جۇرگىزىلىپ جاتىر.
پىكىر قالدىرۋ