«مامىر ايىندا پرەزيدەنت Qazaq Airء-دىڭ ۆەتنامدىق كومپانياعا ساتىلاتىنىن حابارلادى. ول مامىلە قاشان اياقتالادى، كوماپونيانىڭ قارىزى بار ەكەنىن ەسكەرسەك، قۇنى قانشا بولادى؟» - دەگەن ءجۋرناليستىڭ سۇراعىنا مينيستر قارابايەۆ:

«كەلىسىمشارتتىڭ ءبىر ساتىسىنا قول قويىلدى. قىركۇيەكتىڭ اياعىنا دەيىن مامىلەنى اياقتايمىز دەپ وتىرمىز. كەلىسىمشارتتا Qazaq Airء-دىڭ بۇكىل قارىزىن وتەۋ مىندەتتەلگەن. تولەمنىڭ كەزەڭى ءالى انىقتالعان جوق. ەكىنشىدەن، ساتىپ الۋشى كومپانيانىڭ قازاقستان ىشىندە جانە سىرتىنا تاسىمال جاسايتىن 20-دان كەم ەمەس اۋە كولىگىن تىركەۋ مىندەتتەمەسى قاراستىرىلعان.

جالپى ينۆەستوردىڭ ءوزى 20 ەمەس 50-گە دەيىن اۋە كولىگىن تارتامىن دەپ وتىر. ياعني، نارىقتا تاعى ءبىر ايتارلىقتاي كۇشتى ويىنشى پايدا بولادى دەگەن ءسوز. مىسالى، SCAT كومپانياسىندا 50-گە جۋىق بورت، Air Astana-دا 54 بورت بار. سوندا نارىقتا سولارمەن شامالاس ءۇشىنشى ويىنشى بولادى. بۇل باسەكەگە، بيلەتتەردىڭ باعاسىنا وڭ اسەر ەتەتىنى ءسوزسىز»، - دەدى ول.