ماجىلىسكە زاڭنامانىڭ كەيبىر نورمالارىن كونستيتۋسياعا سايكەستەندىرۋگە ارنالعان زاڭ جوباسىن تانىستىرعان شەنەۋنىك ۇكىمەت مۇشەلەرىنە قويىلاتىن تالاپتىڭ ءبىر بولىگى جويىلاتىنىن ايتتى.
«ۇكىمەت تۋرالى» كونستيتۋسيالىق زاڭدا جانە «سىبايلاس جەمقورلىققا قارىس ءىس-قيمىل تۋرالى» زاڭدا مۇنداي تىيىم كوزدەلمەگەندىكتەن «مەملەكەتتىك قىزمەت تۋرالى» زاڭنان ۇكىمەت مۇشەلەرىنە وزدەرىنە تيەسىلى تۇرعىن ءۇيدى جالعا بەرۋگە تىيىم الىنىپ تاستالادى. ياعني، ۇكىمەت مۇشەلەرى باسقا ساياسي مەملەكەتتىك قىزمەتشىلەرمەن قاتار وزدەرىنە تيەسىلى ءۇي-جايلاردى جالعا بەرە الادى»، - دەدى ول.
اگەنتتىك وكىلى وزگە مەملەكەتتىك قىزمەتشىلەردە مۇنداي قۇقىق بۇرىننان بار ەكەنىن ەسكە سالدى.
«سىبايلاس جەمقورلىققا قارسى ءىس-قيمىل» تۋرالى زاڭدا مەملەكەتتىك قىزمەتشىلەر مەن ولارعا تەڭەستىرىلگەن ادامداردىڭ سەنىمگەرلىك باسقارۋعا بەرىلگەن مۇلىكتەن تابىس الۋ قۇقىعى بەكىتىلگەن بولاتىن. وسىعان ۇقساس نورما «مەملەكەتتىك قىزمەت تۋرالى» زاڭدا بار جانە قولدانىلادى»، - دەدى ۇلان سارقۇلوۆ.
پىكىر قالدىرۋ