انتيكور باسشىسى ورىنباسارىنىڭ ايتۋىنشا، ءبىلىم بەرۋ سالاسىن تەكسەرۋ بارىسىندا “جاعاۇستاتارلىق جەمقورلىق دەرەكتەرى” انىقتالعان. سوزىنشە، سوڭعى ەكى جىلدا كەلگەن شىعىن 17 ميلليارد تەڭگەگە جۋىقتاعان. 

“بۇل ماسەلە قۇزىرلى ورگاندار، ءتيىستى مينيسترلىك تاراپىنان قارالىپ جاتىر. ءبىز تەكسەرە باستاعان سوڭعى ەكى جىل – 2022 جانە 2023 جىلدارى كەلگەن شىعىن 17 ميلليارد تەڭگەگە جۋىقتايدى. بۇل – وتە ۇلكەن سوما. ماسەلەن، ءبىر عانا تالدىقورعان قالاسىندا ءبىلىم ءبولىمىنىڭ باسشىسى، باس بۋحگالتەر مەن بىرنەشە مەكتەپ ديرەكتورى 4 ميلليارد تەڭگەگە جۋىق قارجى جىمقىرعان. ۇستاۋ كەزىندە كولىكتەن 1 ميلليارد تەڭگەگەگ جۋىق اقشا تابىلدى. وسىنداي دەرەكتەر وزگە دە ايماقتاردا انىقتالدى”، – دەدى ول. 

ۇلان سارقۇلوۆتىڭ مالىمدەۋىنشە، ءبىلىم بەرۋ سالاسىنداعى جەمقورلىق دەرەكتەرىن ازايتۋ ءۇشىن سيفرلاندىرۋ ماسەلەسى قولعا الىنعان.

“ءبىز دە سيفرلاندىرۋ پروسەسىنە قاتىسىپ جاتىرمىز، سيفرلىق دامۋ مينيسترلىگىمەن ەتەنە جۇمىس ىستەيمىز. ءقازىر كەي اقپاراتتىق تەحنولوگيالاردىڭ ەنگىزىلگەنىن كورىپ وتىرمىز. ونىڭ ۇستىنە جەمقورلىق دەرەكتەرى دە ازايا تۇسكەن. 2024 جىلى ءبىلىم بەرۋ سالاسىندا جەمقورلىقتان كەلگەن شىعىن 7 ميلليون تەڭگە شاماسىندا”، – دەپ تۇيىندەدى ول.