سونداي-اق مينيسترگە وسى ارقىلى بۇل جوبانىڭ ءقاۋىپسىز ەكەنىن كورسەتۋگە ءازىرسىز بە دەگەن سۇراق جولداندى. 

ءمينيستردىڭ ايتۋىنشا، اەس سالۋ ونىڭ قۇرىلىسىن باقىلاۋعا بايلانىستى ۇزاق مەرزىمدى تەكسەرۋلەرمەن قاتار جۇرەدى.

"قازىرگى زامانعى اتوم ەلەكتر ستانسيالارى – بارلىق قاجەت فيزيكالىق، ەنەرگەتيكالىق، راديولوگيالىق قۇرالدارمەن جابدىقتالعان. سونداي-اق شىعارىندىلارى از، ءۇش ەسەلىك باقىلاۋ دەڭگەيى بار، بەلگىلى ءبىر وپەراسيالاردى جۇرگىزۋ تارتىبىمەن جابدىقتالعان ەكولوگيالىق تازا نىسان. ارينە، ءتيىستى شەشىمدەر شىعارىلسا ول جەرگە تۇراقتى تۇردە بارىپ تۇرۋدى جوسپارلاپ وتىرمىن. ءبىز رەفەرەندۋمنىڭ تۇپكىلىكتى ناتيجەلەرىن كۇتەمىز جانە كاسىبي مىندەتتەرىمىزدى ورىنداۋعا، ۇسىنىلعان شەشىمگە جاۋاپكەرشىلىككە نەگىزدەلگەن ەلەكتر ەنەرگياسىنىڭ تاپشىلىعىن جابۋعا تىرىسامىز”، – دەپ جاۋاپ بەردى شەنەۋنىك.

ايتا كەتەيىك، ساتقالييەۆ وزىنە قويىلعان سۇراقتى ىڭعايسىز دەپ تانىدى.

"جۋرناليستەر سۇراقتى جاۋابىن ەستۋ ماقساتىمەن ەمەس، جاي سابوتاج جاساۋ ءۇشىن، اسەر قالدىرۋ نەمەسە نازار اۋدارتۋ ءۇشىن قويادى. مەنىڭشە، بۇل دا ىڭعايسىز سۇراق”، – دەدى مينيستر. 

ايتا كەتەيىك، مەملەكەت باسشىسى 2 قىركۇيەكتە قازاقستان حالقىنا جاساعان جولداۋىندا اەس سالۋ بويىنشا رەفەرەندۋم 6 قازاندا وتەتىنىن حابارلاعان ەدى. 

6 قازاندا ەلىمىزدە اەس سالۋ بويىنشا رەفەرەندۋم ءوتتى. العاشقىلاردىڭ ءبىرى بولىپ پرەمەر-مينيستر داۋى بەردى. كەيىننەن مەملەكەت باسشىسى قاسىم-جومارت توقايەۆ داۋىس بەردى. سوسىن ەلىمىزدىڭ العاشقى پرەزيدەنتى نۇرسۇلتان نازاربايەۆ كەلىپ داۋىس بەرىپ، قازاق حالقىنا باقىت تىلەدى.

ورتالىق رەفەرەندۋم كوميسسياسى ءاربىر ەكى ساعات سايىن داۋىس بەرۋشىلەردىڭ قاتىسۋى تۋرالى وبلىستاردىڭ، رەسپۋبليكالىق ماڭىزى بار قالالاردىڭ، ەلوردانىڭ اۋماقتىق كوميسسيالارىنىڭ دەرەگىن بەرىپ وتىردى.

رەسپۋبليكا بويىنشا ۋچاسكەلەردە داۋىس بەرۋ ساعات 20:00-دە اياقتالدى.

وبلىستاردىڭ، رەسپۋبليكالىق ماڭىزى بار قالالاردىڭ، ەلوردانىڭ كوميسسيالارى ۇسىنعان دەرەكتەرگە سايكەس، تىزىمگە ەنگىزىلگەن ازاماتتاردىڭ 63،87%-ى بيۋللەتەن الدى. ياعني داۋىس بەرۋى كەرەك بولعان 12 244 683 ادامنىڭ 7 820 918ء-ى داۋىس بەردى.