ق ر سىبايلاس جەمقورلىققا قارسى ءىس-قيمىل اگەنتتىگى شقو بويىنشا دەپارتامەنتىنىڭ مالىمەتىنە سۇيەنسەك، بالا كۇتىپ جۇرگەن كەيبىر شىعىسقازاقستاندىق ايەلدەر دەكرەتتىك تولەم مولشەرىن ارتتىرۋ ءۇشىن جەكە كاسىپكەر رەتىندە تىركەلگەن. ال بوسانعاننان كەيىن بىردەن كاسىبىن جاۋىپ تاستاعان.

ماسەلەن، وسكەمەن قالاسىنىڭ تۇرعىنى شاشتاراز قىزمەتىن كورسەتەمىن دەپ كاسىبىن تىركەدى. ءسويتىپ الەۋمەتتىك اۋدارىمداردى كوبەيتىپ، 2 ملن تەڭگەگە جۋىق دەكرەتتىك تولەم الدى. ال بالا تۋعاننان ءبىر اي وتكەن سوڭ كاسىبىن جاپتى.

«تولەم الۋدىڭ وسىنداي مەحانيزمىن وبلىس بويىنشا 780 ايەل ىسكە اسىردى. ولار جەكە كاسىپكەر رەتىندە 1-دەن 5 ايعا دەيىن عانا تىركەلىپ تۇرعان. بۇل فاكتىلەردەن ءبىز بەلگىلى ءبىر سىبايلاس جەمقورلىق تاۋەكەلدەرىن كورىپ وتىرمىز. ويتكەنى جەكە كاسىپكەرلەر ءوز جۇمىسىن بىردەن توقتاتىپ جاتىر. سوندىقتان وسى ماسەلەنى زاڭ شەڭبەرىنە سايكەس قاراۋ كەرەك»، - دەدى دەپارتامەنت باسشىسى دەنيس شاكەنوۆ.