قازاقستان پرەزيدەنتى قاسىم-جومارت توقايەۆ "2025-2027 جىلدارعا ارنالعان رەسپۋبليكالىق بيۋدجەت تۋرالى" زاڭعا قول قويدى. قۇجات "ەگەمەن قازاقستان" گازەتىندە جاريالاندى. 

زاڭنىڭ 9-بابىندا 2025 جىلى جالاقىنىڭ ەڭ تومەن مولشەرى بۇرىنعىشا 85 مىڭ تەڭگە بولىپ قالاتىنى جازىلعان. ال ايلىق ەسەپتىك كورسەتكىش (اەك) 2024 جىلمەن سالىستىرعاندا 6،5 پايىزعا ۇلعايىپ، 3 692 تەڭگەدەن 3 932 تەڭگە بولدى.

ەڭ تومەن كۇنكورىس دەڭگەيىنىڭ شاماسى دا وسىنشا پايىزعا ءوسىپ، 43 407 تەڭگەدەن 46 228 تەڭگە بولدى. ەكەۋىنىڭ كومەگىمەن الەۋمەتتىك تولەمدەر ەسەپتەلەتىنىن ەسكەرسەك، ولاردىڭ كولەمى دە ۇلعايادى. بۇعان قوسا، ايلىق ەسەپتىك كورسەتكىش كولەمى ايىپپۇلدار مەن مەملەكەتتىك سالىقتاردىڭ كولەمىنە اسەر ەتەدى. ەندى ولار دا 6،5 پايىزعا ۇلعايادى.

زەينەتاقىنىڭ ەڭ تومەن مولشەرى 8،5 پايىزعا ءوسىپ، 62 771 تەڭگە بولدى. بۇرىن 57 853 تەڭگە بولعان. ايتا كەتەرلىك جايت، مۇنداي زەينەتاقىنى جۇمىس ءوتىلى 1998 جىلعا دەيىن كوپ بولعان ازاماتتار الادى. مىسالى، ايەلدەر ءۇشىن 20 جىل، ەر ازاماتتار ءۇشىن 25 جىل.

وسىلايشا، 2025 جىلى ەسەپتەۋ كورسەتكىشتەرى جانە سونىڭ كومەگىمەن ەسەپتەلەتىن الەۋمەتتىك تولەمدەر، بۇعان قوسا قازاقستاندىقتاردىڭ زەينەتاقىسى ۇلعايادى.