ماجىلىستە «مادەنيەت تۋرالى» زاڭعا تۇزەتۋلەر ەنگىزىلدى. ياعني، قازاق ءتىلىن قورعاۋ جانە ساقتاۋ ءۇشىن ءبىرىڭعاي اقپاراتتىق جۇيە قالىپتاستىرۋ جانە قازاق ءتىلىنىڭ ۇلتتىق سوزدىك قورىن قۇرۋ كوزدەلىپ وتىر. جاڭا زاڭعا سايكەس، ماتىندەردى وڭدەۋ جانە تالداۋ ماقساتىندا جاساندى ينتەللەكت نەگىزىندە قازاق ءتىلىنىڭ تىلدىك مودەلىن قۇرۋ كوزدەلەدى.
جاڭا جۇيە كەڭ اۋديتوريانىڭ قازاق ءتىلىنىڭ نورمالارى مەن ەرەجەلەرىن تۇراقتى پايدالانۋىن جانە قولجەتىمدى بولۋىن قامتاماسىز ەتەدى.
بۇعان قاتىستى اسحات ايماعامبەتوۆ قازاق ءتىلىنىڭ ۇلتتىق سوزدىك قورى بەلگىلى ءبىر تەرميندەردى قولدانۋ كەزىندە كومەكشى قۇرال بولاتىنىن ايتتى.
«سيفرلىق سوزدىك جاساندى ينتەللەكتتىڭ قازاق تىلىمەن ءوزارا ءىس-قيمىلىن جاقسارتۋدىڭ نەگىزگى قۇرالى بولادى. بۇل ءار ءسوزدى ءارتۇرلى قولداناتىندار ءۇشىن ماڭىزدى. مىسالى، جاساندى ينتەللەكت ءسوزدى قالاي قولدانۋ كەرەكتىگىن ءتۇسىنۋى ءۇشىن وعان ءارتۇرلى جاعدايلاردا قولدانۋدىڭ كوپتەگەن نۇسقالارىن ۇسىنۋ قاجەت. ءسوزدى تاڭداۋدا جاساندى ينتەللەكتتىڭ ادامنان ايىرماشىلىعى، ول تەك الگوريتمدەرگە نەگىزدەلگەن. سوندىقتان ءاربىر ءسوز بەن ءسوز تىركەسىن ءدال ءارى تەرەڭ پىسىقتاۋ ماڭىزدى»، - دەدى ول.
پىكىر قالدىرۋ