قىتايمەن شەكاراداعى اۆتوموبيل وتكىزۋ پۋنكتتەرى 2025 جىلدىڭ 8 ناۋرىز جانە 21-23 ناۋرىز ارالىعىندا جۇمىس ىستەمەيدى. بۇل تۋرالى مەملەكەتتىك كىرىستەر كوميتەتى ءمالىم ەتتى.
"مەملەكەتتىك كىرىستەر كوميتەتى، قازاقستان رەسپۋبليكاسىندا 2025 جىلعى 8 ناۋرىز كۇنى "حالىقارالىق ايەلدەر" جانە 21-23 ناۋرىز ارالىعى "ناۋرىز مەيرامىن" مەرەكەلەۋگە بايلانىستى قازاقستان–جۇڭگو شەكاراسىنداعى اۆتوموبيل وتكىزۋ پۋنكتەرىندە تۇلعالاردى، كولىك قۇرالدارى مەن جۇكتەردى وتكىزۋ جۇزەگە اسىرىلمايتىنىن حابارلايدى"، – دەپ جازىلعان مالىمدەمەسىندە.
دەگەنمەن قازاقستان-قىتاي شەكاراسىنداعى تەمىرجول وتكىزۋ پۋنكتتەرى شتاتتىق رەجيمدە جۇمىسىن جالعاستىرادى.
"تاسىمالداۋشىلار مەن بارلىق شەكارانى كەسىپ وتۋگە نيەت بىلدىرۋشىلەردى ەنگىزىلگەن شەكتەۋلەردى ەسكەرە وتىرىپ، ءوز باعىتتارىن الدىن الا جوسپارلاۋدى سۇرايمىز"، – دەپ ەسكەرتتى كوميتەت.
پىكىر قالدىرۋ