كەڭەس وداعى ىدىراعاننان كەيىن كۋرچاتوۆ قالاسىنىڭ تۇرعىنى ۇزاق جىلدار بويى ەسكى ۇلگىدەگى تولقۇجاتپەن ءومىر ءسۇرىپ، رەسمي تۇردە ازاماتتىق الا الماي قالعان.
بۇل وعان مەملەكەتتىك جانە الەۋمەتتىك قىزمەتتەرگە قول جەتكىزۋگە مۇمكىندىك بەرمەي، كۇندەلىكتى ومىرىندە ەلەۋلى قيىندىقتار تۋدىردى.
ميگراسيالىق قىزمەتكە جۇگىنگەننەن كەيىن پوليسيا قىزمەتكەرلەرى ونى قۇجاتتاندىرۋ پروسەسىنە جەدەل كىرىستى. 2025 جىلعى 3 ناۋرىزدا ەر ادام رەسمي تۇردە قازاقستان رەسپۋبليكاسىنىڭ ازاماتى اتانىپ، العاشقى جەكە كۋالىگىن الدى.
اباي وبلىسى پوليسيا دەپارتامەنتى جەكە كۋالىكتىڭ بولۋى ادامنىڭ قۇقىقتىق مارتەبەسىن عانا ەمەس، سونىمەن قاتار مەديسينالىق، الەۋمەتتىك جانە باسقا دا مەملەكەتتىك قىزمەتتەرگە قولجەتىمدىلىگىن قامتاماسىز ەتەتىنىن ەسكە سالادى.
