قوعام بەلسەندىسى دينا ءتاڭسارى (سمايلوۆا) كۇيەۋى ەكەۋى چەرنوگوريادا ساياسي بوسقىن مارتەبەسىن العانىن الەۋمەتتىك جەلىدەگى پاراقشاسىندا مالىمدەدى.

“دينا مەن المات ساياسي بوسقىن مارتەبەسىن الدى. ەندى ولار حالىقارالىق قورعاۋدا. حالىقارالىق قۇقىقتىق مارتەبە ادامدى ءقاۋىپ تونگەن وتانىنا ەكستراديسيالاۋدان قورعايدى”، - دەلىنگەن جازبادا.

ەسكە سالا كەتەيىك، 2023 جىلدىڭ اياعىندا الماتى قالاسىنىڭ، شىعىس قازاقستان جانە الماتى وبلىستارىنىڭ پوليسيا دەپارتامەنتتەرى دينارا سمايلوۆاعا، ياعني دينا تاڭسارىگە قاتىستى كورىنەۋ جالعان اقپارات تاراتۋ، جەكە ومىرگە قول سۇعىلماۋشىلىقتى بۇزۋ فاكتىلەرى بويىنشا التى قىلمىستىق ءىس قوزعاپ، تەرگەلىپ جاتقانى حابارلاندى. ىشكى ىستەر مينيسترلىگى وكىلدەرى ونىڭ ىشىندە ەكى ءىس الاياقتىق بويىنشا ەكەنىن ءمالىم ەتتى.

كەيىن دينا تاڭسارىگە (دينارا سمايلوۆا) ىزدەۋ جاريالاندى. اقپارات بپ قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا جاريالاندى.

ايتا كەتەيىك، 2025 جىلى 14 ساۋىردە “نەمولچيKZ” قورىنىڭ جەتەكشىسى ۇستالىپ، پودگوريساداعى جوعارعى سوتقا جەتكىزىلگەن.

ارتىنشا چەرنوگوريانىڭ جوعارعى سوتى سمايلوۆانى بوساتۋ تۋرالى شەشىم قابىلدادى.