قاسىم-جومارت توقايەۆ حالىققا جولداۋىندا ەلدىڭ ەنەرگەتيكالىق تاۋەلسىزدىگىن قامتاماسىز ەتۋ ماقساتىندا جاڭا اتوم ەلەكتر ستانسيالارىن سالۋدى جوسپارلاۋ قاجەت ەكەنىن ايتتى.
مەملەكەت باسشىسى ءقازىردىڭ وزىندە ەكىنشى، ءتىپتى ءۇشىنشى اتوم ستانسياسىن سالۋدى جوسپارلاۋ كەرەك ەكەنىن ايتتى. ونىڭ سوزىنشە، جۇڭگو حالىق رەسپۋبليكاسىنىڭ ءتوراعاسى سي سزينپينمەن وتكەن كەزدەسۋدە ەكى ەل اتوم سالاسىنداعى ستراتەگيالىق ارىپتەستىككە ەرەكشە ءمان بەردى.
– قازاقستان ءوز ەنەرگەتيكالىق ەگەمەندىگىن قامتاماسىز ەتۋ ءۇشىن الەمدىك جەتەكشى كومپانيالارمەن ءوزارا ءتيىمدى ىنتىماقتاستىققا دايىن، – دەدى توقايەۆ.
سونىمەن قاتار پرەزيدەنت قازاقستاننىڭ مول كومىر قورىن ءتيىمدى پايدالانۋدىڭ ماڭىزدىلىعىن ايتتى.
– ەلدەگى ساپالى كومىر قورى زور. سوندىقتان ونىڭ ەكولوگيالىق تۇرعىدان تازا ءارى زاماناۋي تەحنولوگيالاردى قولدانۋ ارقىلى دامۋىنا باسا نازار اۋدارۋ قاجەت. تابيعي ارتىقشىلىقتارىمىزدى ەلدىڭ دامۋى ءۇشىن ءتيىمدى پايدالانۋىمىز كەرەك، – دەدى مەملەكەت باسشىسى.
