ادىلەت مينيسترلىگىنىڭ سوت ساراپتامالارى ورتالىعى رەسپۋبليكالىق مەملەكەتتىك قازىنالىق كاسىپورنىنىڭ الماتىداعى وڭتۇستىك-شىعىس ءوڭىرى بويىنشا فيليالى الدى اپ-ساتتە شۋعا ۇلاستى، دەپ جازادى Zanmedia.kz. 

ءبىزدىڭ ءتۇسىرىلىم توپ بەيمالىم وقيعانىڭ كۋاسى بولدى. سپورتتىق كيىم كيگەن بەلگىسىز بىرەۋلەر ەشقانداي قۇجات كورسەتپەستەن الماتى تۇرعىنى، ەكىنشى توپ مۇگەدەگى دانيار قويباعاروۆتى ۇيىنەن قاتىگەزدىكپەن ۇستاپ، ەركىنەن تىس پسيحياتريالىق ساراپتاما ورتالىعىنا كۇشتەپ اپارماق بولعان. ونىڭ سەنىمدى وكىلى ماريا باسارابتىڭ ايتۋىنشا، «قاراعاندى وبلىسىنان كەلگەن تەرگەۋشىلەرمىز» دەگەن ءۇش جىگىت بۇعان قانداي نەگىز سەبەپ بولعانىن تۇسىندىرۋدەن باس تارتقان. سەبەبى، قويباعارۇلىنا قاتىستى ەشقانداي قىلمىستىق ءىس تىركەلمەگەن، سوندىقتان ونى ماجبۇرلەپ پسيحياتريالىق ساراپتاماعا جىبەرۋگە قۇقىقتىق نەگىز جوق.

«قويباعاروۆ – ەكىنشى توپتاعى مۇگەدەك. ونىڭ ۇيىنە باسا-كوكتەپ كىرۋگە ەشقانداي سوت قاۋلىسى، پروكۋرور سانكسياسى دا جوق. نە ءۇشىن؟» دەگەن باساراب بۇل وقيعانى قويباعاروۆتىڭ جۋىردا «اككون» جشس-نە قارسى ۇتقان سوت ىسىمەن تىكەلەي بايلانىستىرادى. سوت شەشىمى بويىنشا كومپانيا ازاماتقا قوماقتى وتەماقى تولەۋى ءتيىس. باسارابتىڭ پىكىرىنشە، كومپانيا وكىلدەرى قويباعاروۆتى «اقىل-ەسى دۇرىس ەمەس ادام» دەپ تانۋعا تىرىسىپ، تولەم جاساۋدان جالتارماق.

وقيعانىڭ كۋاگەرلەرى مەن زاڭگەرلەر جەدەل تۇردە جەرگىلىكتى پوليسيا قىزمەتكەرلەرىن شاقىردى. الايدا، پوليسيا كەلگەندە عانا سپورتتىق كيىم كيگەن ازاماتتار ءوزىن «پوليسيا تەرگەۋشىلەرىمىز» دەپ تانىستىرىپ، قىزمەتتىك كۋالىكتەرىن كورسەتە باستادى. دەگەنمەن، ادۆوكات الما مۋسينا ولاردىڭ ارەكەتتەرىنىڭ زاڭدىلىعىن سۇراپ، وسى كۇش قولدانۋ شارالارى قانداي قۇجاتقا نەگىزدەلگەنىن ناقتىلاۋدى تالاپ ەتكەن كەزدە، ولار بۇل سۇراققا جاۋاپ بەرۋدەن باس تارتتى. ادۆوكاتتىڭ كۇشتەپ ساراپتاماعا جىبەرۋ تۋرالى سوت قاۋلىسىن كورسەتۋ تۋرالى تالابىنا قۇقىق قورعاۋ ورگاندارى جاۋاپ بەرمەدى.

الماتى قالالىق ادۆوكاتتار القاسىنىڭ ادۆوكاتى الما مۋسينانىڭ ايتۋىنشا، ەشقانداي قۇجات كورسەتكەن جوق. «مەن بۇل ارەكەتتەردى زاڭسىز دەپ سانايمىن. وكىنىشكە قاراي، ەلىمىزدە قۇقىق قورعاۋ ورگاندارىنىڭ ارەكەتتەرى ءجيى زاڭسىز سيپاتتا بولادى. ءبىز، ادۆوكاتتار، بۇل تۋرالى ءجيى ايتىپ ءجۇرمىز. ءبىراق زاڭسىزدىقتىڭ الدىن الۋعا باعىتتالعان ءتيىستى شارالار ءارقاشان قابىلدانا بەرمەيدى»، – دەدى.

سودان كەيىن عانا قاراعاندى وبلىسى پوليسيا دەپارتامەنتى تەرگەۋ باسقارماسىنىڭ پوليسيا مايورى اباي قابىكەن: «مەن الماتىدا دەپارتامەنت باسشىسىنىڭ بۇيرىعىمەن ءجۇرمىن. مەنىڭ بارلىق ارەكەتىم زاڭ اياسىندا جۇزەگە اسۋدا. ق ر قىلمىستىق-پروسەستىك كودەكسiءنىڭ 201-بابى بويىنشا «سوتقا دەيىنگى تەرگەپ-تەكسەرۋ دەرەكتەرiن جاريا ەتۋگە جول بەرىلمەيدى» دەۋمەن عانا شەكتەلدى.

وقيعا ورنىنا كەلگەن ۋچاسكەلىك پوليسەيلەر مەن ادۆوكاتتار ءوز پوزيسياسىن ءبىلدىرىپ، زاڭ بۇزۋشىلىققا جول بەرىلمەۋى ءتيىس ەكەنىن اتاپ ءوتتى. ادۆوكاتتىڭ كۇشتەپ ساراپتاماعا جىبەرۋ تۋرالى سوت قاۋلىسىن كورسەتۋ تۋرالى تالابىنا قۇقىق قورعاۋ ورگاندارى جاۋاپ بەرمەدى.
سوڭىندا وقيعاعا قاتىسى بار بارلىق ازاماتتار ارى قاراي تەكسەرۋ ءۇشىن پوليسيا بولىمىنە جەتكىزىلدى. دانيار قويباعار ۇلىنىڭ تۋىستارى مەن جاقىندارى ادىلدىككە قول جەتكىزەمىز دەپ وتىر. ولار ونى زاڭسىز تۇردە كۇشتەپ الىپ كەتۋگە تالپىنىس جاسالعانى تۋرالى شىندىقتى قوعامعا جەتكىزۋگە بار كۇشىن سالماق.