Иран Израильге қатысты тағы бір қатаң мәлімдеме жасап, Хайфа қаласының белгілі бір аймағында тұратын азаматтарға аумақты шұғыл түрде тастап кетуге кеңес берді. Бұл — соңғы күндердегі екінші осындай ескерту, және аймақтағы шиеленіс аясында жағдай ушыға түскенін білдіреді.

Иранның SNN телеарнасы таратқан ақпаратқа сәйкес, Хайфадағы нақты координаттар көрсетілген аумақтағы тұрғындарға шұғыл үндеу жасалды. Хабарламада сол ауданда тұратындарға қауіп төніп тұрғаны ескертіліп, өмірлерін сақтап қалу үшін дереу эвакуациялану қажеттігі айтылды.

Мәлімдемеге карта қоса беріліп, ықтимал қатер аймағы нақты көрсетілген. Бұл – соңғы бірнеше күн ішінде Иран тарапынан жасалған осындай алғашқы ескерту емес. Бұған дейін Иран Қарулы күштері Бас штабының бастығы Абдулрахим Мусави де Тель-Авив пен Хайфа тұрғындарына қалалардан кетуге кеңес берген болатын.

«Халық Нетаньяхудың соғысқұмар саясатының құрбаны болмауы керек», – деп мәлімдеді Мусави. Алайда, Иран тарапынан жасалған бұл қатаң ескертулерге қарамастан, әзірге олардың ешқайсысы нақты әскери іс-қимылдармен расталған жоқ.