Asa, mártebeli oqyrman!

«Qamshy» saıtynyń 微信 betindegi oqyrman sany on kúnniń ishinde myńnan asty. Bul kúndelikti Web-saıtymyzdy qaraıtyn 2000 oqyrmandy qospaǵandaǵy málimet. Áý bastan álemdegi bar qazaqtyń tutastyǵyn tý etken aqparat alańymyz Allanyń qoldaýymen osylaısha kún sanap órkendep keledi. Bul, árıne ózderińiz sıaqty naǵyz ult janashyrlarynyń eńbegi. Ultqa únsiz qyzmet etý – jazylmaǵan zań. Osy turǵydan alǵanda «Qamshynyń» 微信 qosymshasyn dos-jaran, aǵaıyn-týystaryna jiberip, atsalysqan azamattardy Alash birligine qaltqysyz qyzmet etkender dep túsinemiz.

Biz eshqandaı memlekettiń, eshqandaı ulttyń, eshqandaı bıliktiń jaýy emespiz. Biz adam balasyna beıbitshilik, yntymaq, nurly bolashaq qana tileımiz. Degenmen, bizder úshin eń mańyzdysy - sol adamzat órkenıetinen oıyp oryn alatyn qazaq deıtin halyqtyń erteńi.

Biz 微信 betindegi oqyrmannyń kóbeıgeni arqyly eshqandaı qarjylyq tabysqa qol jetkizbeımiz. Biz web-saıt betin qaraıtyn myń san oqyrman arqyly eshqandaı ekonomıkalyq kiris kirgizbeımiz. Bizge keregi – saıt betin qaraıtyn oqyrman sany myńdap artyp, Qazaqstan saıttarynyń ishinde reıtıńimiz joǵary bolsa, sol arqyly búgingi bılikke sózimizdi ótkizip, qazaq kóshine qamshy salsaq, qazaqtyń jaǵdaıyn jaqsartsaq degen armanshyl kóńil ǵana.

Biz memleket tarapynan nemese belgili toptar tarapynan eshqandaı qarjylyq demeý kórgen joqpyz. Iaǵnı eshqandaı múddeli topqa jumys jasamaımyz. Tıisti qarjyny ultym degen sanaýly azamattardyń tıyn-tebenimen qurap otyrmyz.

Iá, «Biz» dep otyrǵanymyz - siz, ol jáne men, árbir qazaq...

«Bul oralmandardyń saıty», «Shetelden kelgenderdiń saıtyna kirmeımiz, maqala bermeımiz» degen sózderdi de estidik. Oǵan bola jasyǵan joqpyz. Qylyshynan qan tamǵan Keńes odaǵynyń ózinde «5 mıllıon qazaq tilegi kemshilik jolyna syımaıdy» degen Alashorda kósemi Álıhan Bókeıhannyń sózin medet tuttyq. Iaǵnı mıllıondaǵan qazaq bir tilekte, bir nıette bolsa ol eshqandaı kemshilik emes. Meıli dúnıejúziniń qaı jerinde júrsede mıllıon Alash urpaǵynyń sózi bir jerden shyqsa bul keri ketkendik emes jetkendik. Sony ańǵarǵandyqtan da, 微信 qoldanýshylardyń kóp sandysy Qytaı qazaqtary ekendigin eskerip, aqparatymyzdy Ahmet Baıtursynov álipbıimen taratyp otyrmyz. Osy oraıda 21 ǵasyr deıtin aqparat zamanynda qazaq jurtynyń ózara pikir alysýyna túsinistikpen qarap otyrǵan Qytaı úkimetine de aıtar alǵysymyz bólek.

Álqıssa, «Qamshy» áýel bastan qazaqtyń ǵylym-bilimine, ádebıet-mádenıetine, namysyna, eń bastysy «Uly kóshine» qamshy basý maqsatymen ashylǵan. Áli de sol maqsat, sol múdde. Endeshe, osy jumystyń kútken bıiginen kórinýine atsalysyp jatqan ózderińizge – myń san qazaqqa taǵy bir márte alǵys!

«Qamshynyń» uranyn oılaǵanymyzda «Ul bolsań qolyńda, qul bolsań tóbeńde oınaıdy» degen sóz sanamyzǵa ǵaıyptan quıylyp edi. «Qamshyny» qolynda oınatqan qazaq, alty taspa buzaý tisti tóbesine úıirgizbeıtinine kózimiz jetip keledi.

Aıta keterligi, 微信 qosymshasyndaǵy oqyrmandar sany «Qamshy» portalynyń Qazaqstandaǵy reıtınigisine eshqandaı áser etpeıdi. Eger maqalanyń astyndaǵy 阅读原文 degen sózdi basyp jatsańyz onyń jóni bir basqa. Onda «Qamshynyń» naqty web-saıt betine ótken oqyrman bolyp sanalasyz. Iaǵnı reıtıń bir satyǵa bolsa da kóteriledi, bıliktiń bir adamy bolsada qazaq únine nazar aýdarady degen sóz.

Al keıbir uıaly telefondarda qaripterimiz durys kórinbeı jatsa, ol úshin keshirim suraımyz. Joǵaryda aıtqandaı biz tek sanaýly azamattardyń kómegine ǵana súıenemiz. Sonyń saldarynan adam kúshi de, tehnıkalyq qýatymyz da jetispeı jatady.

Umytyp barady ekenbiz, «Qamshy» Qazaqstan Respbýlıkasynyń Mádenıet jáne aqparat mınıstrliginen Qazaqstandaǵy jáne sheteldegi qazaqtarǵa aqparat taratatyn «Aqparattyq agenttik» mártebesin alǵan. Bul mártebe úshin de 2 jyl tynbaı qyzmet etýge týra keldi. Esesine saıda sany, qumda izi joq aqparat alańy emespiz. Bizdiń únimizdi tyńdap, tilegimizge qulaq túretin qazaq bıligi bar.

Qurmetti, oqyrman!

Qazaqtyń búgingi táýelsizdiginiń negizin qalaǵan – 1917 jyly qurylǵan Alashorda úkimeti. Al Alashorda úkimetiniń irgetasyn qalaǵan ataqty «Qazaq» gazeti boldy. Osy basylymnyń jaryq kórip, taralýyna tek Qazaqstandaǵy ǵana emes Qytaıdaǵy qazaqtar da der shaǵynda qol úshin sozdy. «600 som jiberdik»(6000 qoıdyń baǵasy) dep úkili sálem joldaǵan Altaı men Kúnes jurtynyń haty sonyń dáleli. Ol ýaqyt - ımperıalyq Reseıdiń «jendettik pıǵyly» ushyna jetken kezeń edi...

Qudaıǵa táýba! Qazir basqa dáýir. Órkenıetti memleketter demokratıa prınsıpterin ustanady. Bizge 600 som jiberip qanatymen sý seppesede, oqyrmannyń saıt betine kirip, ár maqalaǵa tıisti pikir bildirgeni qajet. Óıtkeni, bul - sizdiń «Qamshyńyz»! Búgingi aqparat dáýirinde ózge ulttarmen teń turamyz desek, «Qamshymyz» árdaıym qolymyzda júrsin. Ol - qural, ol - qasıet. Qolynda qandaı da bir múmkindigi bar árbir qazaq «Qamshyǵa» atsalysyp jatsa qýana quptaımyz. Óıtkeni bul bar qazaqtyń «Qamshysy».