Osydan jırma kún buryn túrki tildes halyqtar aqyndarynyń aıbozy, epıkalyq jyrdyń osydan burynǵy qazaq jetpegen bıigi, erek tulǵa, qyrǵyz halqynyń qulageri Shyńǵys Aıtmatovtyń ómirde de, óleńdede qushaǵy aıqasqan maıdandaǵy serigi, mádenıetimiz ben ádebıetimizdiń elshisi retinde tanylǵan Muhtar Shahanov İlede bolyp, talaı qolyna qalam ustaǵan qandas baýyr-qaryndastaryna ózgeshe Násıhat aıtyp qaıtyp edi. 1 shildeden beri sol aqynǵa maqtaýlar, qaralaýlar qaptaǵan jazbalardy ádebı saıttardan kúnde kórip halyq kúrsindi, qazaqtyń uldaryna ózge eshkim shegara bólmegen edi, biraq ózimizden-ózimiz búlinip jatyrmyz. Mynaý – júrekti tyrnalaǵan sol narazylyqtyń úni, jan aıǵaıymdy aǵalaryma joldadym. 

Bóriler birligi

Altaıdyń bulty qazbaýyr kileń,

Beretin aspan jazǵa aýyr reń.

Tel emgen taıdaı tebispeı ósken,

Ne kórindi aǵa, az baýyr, ul eń?

Uly sol bulttaı shyńdarǵa ilesken,

Taý minez óńkeı syndarly desken.

Sol sezim qazir sanadan kemip,

Ekilentti ǵajap muńdar bir esken.

Mise etpeı babam qur arýaǵyn,

En dala tanyr mynaý quranyń.

Kókjaldar serti buzylmas úshin,

Táý etip kókke duǵa qylǵamyn.

Altaıdyń bulty kók túıdek syrdań,

Osyp jaýatyn otty ırek qurǵan.

Birligiń ketse ispetti meniń

Keýdemdi aǵa, oq túıirep turǵan.

1 shildede «Qazaq ádebıeti» gazetiniń saıtynda Muhtar Maǵaýınnyń Shahanovqa aıyptaý jazǵan, qatty sókken maqalasy jarıalandy. Almaǵaıyp kózsiz dúnıe qazaqtyń eki arysyn ıtshe yryldastyryp qoıdy. . . Bizge aqıqaty kerek edi, al ony jónsiz bilmes tobyr dúrkireı taratyp basyna dańyq kelerdeı elirip júr, asyl sóz dese qoı aýyzynan shóp almas halyq órshigen jalyndaı ósektiń qolamtasyn kósep júr, qaıyrymsyzdyq maýıynge de, Shahanovqa da qylshynyń júzin burdy, múnymen eshteńe tynbasyn bilse de eshkim bas tartpaıdy. . .

Qazaqty kórge tyǵýdan qazaqqa qan jutar, zapyran qustyrar qasret qana kelerin nege bilmeıdi osy halyq? Qqaı eldiń qoǵamy qaıshylyqsyz deısiń, nege ishten tanyp, ishten bilsip júre almaımyz. . . Aǵaıyn arasy araz, jurty ulyna degen jankeshtlikten aıyrylǵan halyqty qaı el de bolsyn músirkeı alady. Biz halqaraǵa qandasymyzdyń keýdesin basyp kókiregin taryltar namysszdyqty kóterip barǵansha, nege aıaýly uldaryńyzdyń ózge el tanymaǵan shǵarmalaryn, áblqaıat sýyndaı júrek qanyn sarqyp jazǵan kitaptaryn, el úshin izdengen Eńbekterin alyp barmaımyz.

Aıdarbek Aıbekuly

İle pedagogıka ınstıtýtynyń stýdenti.

2016. 7. 6 sáske.