Aqtóbedegi «Ańsar» aqparattyq taldaý ortalyǵy talaq alyp, taǵdyrymen talasqa túsken áıelderdiń qorlyqqa toly ómirin baıandady, - dep habarlaıdy Qamshy.kz.
Cońǵy ýaqytta qyzdar arasynda "din jolyna túsem dep, tunyǵymdy bylǵadym" dep aıtatyndar kóbeıip barady. Jigitter ózderine unaǵan dindár qyzdarmen ǵalamtor nemese telefon arqyly tanysyp, nekelese salady deıdi atalmysh ortalyqtyń qyzmetkerleri.
Bir-eki aptadan keıin talaq dep úsh ret aıtyp ajyrasyp ketedi. Islam dinin búrkengenderdiń dinsiz tirlikteri shash etekten. Aıtalyq, keıbir aǵymdar boıynsha qyzdar qoldan qolǵa ótip júre beredi. Búgin neken qıylady, ertesine nemese eki-úshin kúnnen keıin talaq aıtylyp, basqaǵa buıyrady. Meshitke barmaı, jaı úı ishinde otyryp alyp kósheden nemese óz jaqtastarynan eki er adamdy ertip ákelip, neke qıdyrýdy ádetke aınaldyrǵan. Al ata-anasy men týys-týǵandary namaz oqymaǵandyqtan nekege ruqsat berýge quqyqtary joq deı salady. Olar ózara úkim shyǵaryp, ózderinen bir adamdy basshy saılap, nekelerin qıa beredi. Osylaısha sharıǵat jolymen nekeleskendeı bolyp, óz nápsileri men qumarlyqtaryn qandyryp, ajyrastyq dep tastap ketedi.
"Tastandy qyz nekesin qıyp bergen basshyǵa barady. Ol bolsa qyzdy taǵy bireýmen nekelestiredi. Sóıtip álgi beıbaq qyz 3-4 jigitti bastan ótkeredi. Qyzdardy qojalyq etken qudty bir jezókshe retinde qaraıdy. Bereketsiz jynystyq qatynastyń nátıjesinde qaı erkekten júkti bolǵandaryn da bilmeı qalyp jatady" deıdi teolog mamandar.
-Árıne, ókinishke oraı dep aıtýǵa bolady, qazir endi talaq máselesine baılanysty. úılenetin kezde ólerdegi sózin aıtyp, jaqsy kórem, ólem, kúıem sózderin aıtyp keledi da, al talaq beretin kezde uıaly telefonmen talaqty bere salady.bul da qazir múftıler arasynda másele bolyp jatyr. Uıaly telefon arqyly, ýatsap, ınternet jeli arqyly talaq berýge bola ma, bolmaı ma? Áleýmettik jeliler arqyly talaq beriletin bolsa, onda áleýmettik deli arqyly úılenýge de bolý kerek. Talaq pen úılený máselesin bólip qaraýǵa bolmaıdy, - deıdi Aqtóbe oblysynyń Din isteri basqarma basshysy Baýyrjan Esmahan.
Bettiń aryn belbeýge túıip alǵan ózderin ustaz dep ataıtyn áıelderdiń jas qyzdarǵa aıtatyn aqyly: «bul ómirdiń máni oqýda, jaqsy jumys isteýde emes, dindár jigitpen turmys qurýǵa talpynyńdar. Arab, kavkaz jigitteriniń ımany myqty. Solarǵa jar bolyńdar, dinsizderge áıel bolǵansha, din úshin Sırıada soǵysyp júrgenderge jynystyq qyzmet kórsetip, olarǵa rýhanı kúsh berińder. Bul áıel adamnyń jıhady. Erteń aqyrette shahıdtiń dárejesinde jánnatta bolasyńdar» deı kele sanalaryna qısynsyz erejelerdi quıady. Bir-eki ret kezdestirip, eń kóbi úsh ret jolyqtyryp, qalamaıtyn jigitpen nekesin qıdyrtyp jiberedi. Osylaı tánimen jıhad jasaıtyn arýlar qaıda bolsa da ketýge daıyn turady.
"Men oılaıtynmyn ol jaqqa ketse, shyn jıhad eken dep. Jasyratyny joq, bes jyl bolsa da, dinnen bilim almaǵannyń kesirinen ǵoı bári" deıdi ortalyqqa kelip júrken kelinshek.
Otanymyzda Sırıadaǵy sodyrlardyń qolshoqpary bolyp júrgen dindár-symaq jigitter quran aıattaryn óz nápsilerine buryp, qazaq qyzdarynyń kóz jasyn belden keýde. Sharıǵat boıysha qyz bala 9 jasta balıǵatqa tolady. Ol qyzǵa úılenýge jáne jynystyq qatynasta bola berýge boldy deıtin soraqy pátýany óz aralarynda shyǵaryp alǵan. Ózara taratqan ótirikke ózderi senip, 13 jastan asqan qyzdardy el asyryp, jynystyq jıhadqa attandyrýda.
-Qazir mynaý áıel adamdardyń ketýi óte ózekti órteıdi. Oǵan sebep, jynystyq jıhad dep at qoıyp, aıdar taqqan. Jynystyq jıhad jasaýǵa búkil álemnen Sırıaǵa kelýge shaqyramyz. Er-azamattarǵa kómektesý kerek degen sekildi jalań ıdeıany taratý arqyly, sanasy ýlanǵan jastar, qyz-balalar ketip qalyp jatyr. Onyń ishinde bizden ketken qarakóz qazaq qyzdarynyń ketkeni ózekti órteıdi. Sondaı jaǵdaı boldy. Demek biz munyń aldyn alýymyz kerek. Aldyn alý úshin qandaı bolady? Eń basty mindet: ata-ana tárbıesi, qadaǵalaý óte mańyzdy. Óıtkeni biz byltyrǵy jyly kórdik, Almaty qalasynda 13 jastaǵy qyz balanyń áleýmettik jeliler arqyly baılanys quryp, sol jaqqa ketýge tyrysyp, nátıjesinde Qazaqstannan Túrkıa, Túrkıadan Sıráǵa shyǵý bılet joldary aqparat qarap otyrǵan kezinde ata-anasy baıqap, aldy alý sharalary júrgizildi. Odan shyqqan nárseni qarańyz, tipti 13 jastaǵy qyzdyń ózine syrt kóz kóz tigip otyr degen nátıje shyǵady, - deıdi «Ańsar» aqparattyq taldaý ortalyǵy KMM basshysy Jandaýlet Súleımenov.
Shekara asqan qyzdar Sırıa, Irak sekildi sodyrlardyń arasynda tiri taýarǵa aınalady. Qoldan-qolǵa ótip, bir kúnde 6-7 erkekke qyzmet kórsetedi. Ol azdaı, olardyń ortasyna shyǵyp, tánin kórsetip, bıletedi. Eger unasań, satýshyǵa aqsha berip, mal bazarda janýar tańdaǵandaı jetektep alyp kete barady. Anańnan týǵaly bilmegen qorlyqty kóresiń, ákeńniń aınalaıyn degenin, botam dep erkeletkenin saǵynatyn bolasyń. Bul masqara shyndyq deıdi ortalyq mamandary.
-Basynda ıslamǵa kelgende baqytymdy tapsam dep edim, keıin bári basqasha kórindi. Kúıeýge shyqtym, alaıda bári ózgerdi. Kúıeýim talaq etti. Sodan soń úsh erkekpen nekelestim. Al sońǵy kúıeýim jıhadqa barýymdy ótindi. Men tipti jıirkenip kettim. Bári kesh bolatyn. Men qateleskenimdi endi túsindim. Endi ótkendi qaıtalaǵym kelmeıdi. Ózimizdiń ustazdar sanalatyndardyń aıtýymen Sırıaǵa ketýge kelisim berdim. Ózimizdi týra jolda júrmiz dep oıladym. Bárine de daıyn boldym. Biraq bári ókinishti. Men qateligimdi kesh túsindim. Ótkendi esime alǵym kelmeıdi. Keýdeme toly óksik keledi. Qazir esime tússe, jıirkenishti. Alaıda keri qaıtýǵa jol joq. Olar qorqytady, qoqan-loqqy jasaıdy. Urady. Soǵady, - deıdi adasqan kelinshek.
Al shyndyqty eshteńemen búrkemedep jaba almaısyń. Baıǵus qyzdar ózderiniń jetekshileriniń sózderine shyǵa almaıdy. Dinı saýatsyzdyq jáne durys pen burysy aralasqan bul jaǵdaıda bul aǵymdar nıetteri taza musylmandaryń adasýyna, teris jolǵa túsýine sebepker bolýda. Adaldyq, ıdeal bolýdan ketken ortada páktik, qyz balanyń ar-uıaty, bolashaq ananyń tazalyǵy degen uǵymdar aqshaǵa ǵana baǵalanyp, el asyp, satylatyn tiri taýarǵa aınalǵan zaman boldy.
