Shyǵys Qazaqstannyń 5 kóne eskertkishterinde elimizdiń tanymal ǵalymdarynyń jetekshiligimen arheologıalyq qazba jumystary bastaldy. Qazirgi tańda tarıhı jerlerdi tonoplanmen túsirip, aerofoto túsirilim jasaýda. Barlyq jumystar arheologıa salasy boıynsha   ǵylymı-zertteý jumystarynyń damý Josparynyń oryndalý barysymen tanysty, - dep habarlaıdy Qamshy.kz.

Josparǵa sáıkes arheologıalyq ekspedısıalar Katonqaraǵaı aýdanyndaǵy Berel qorǵanynda, Zaısan aýdanyndaǵy Shilikti jazyǵynda, Ulan aýdanyndaǵy Ablaıkıt qamal-monastyri, Abaıdaǵy Qyryqúńgir jáne Tarbaǵataı aýdanyndaǵy Eleke sazy eskertkishterinde júrgizilip jatyr.

 Osy jolǵy qazba jumystaryna 10 memleketten 20 mamannyń tartylý onyń aýqymdylyǵyn kórsetedi. Atap aıtsaq, zertteý jumystaryna Japonıanyń paleogenetıkteri, Ulybrıtanıa, Vengrıa, Túkıa men Qytaı profesorlary men ǵalymdary, Italıa men Belgıanyń geoarheologtary, Reseı ǵylym akademıasynyń ókilderi qatysady.

– Qazaqstan táýelsizdiginiń 25 jyldyǵyna oraı arheologıayq damý josparyn júzege asyrýymyz óte oryndy, – dedi Danıal Ahmetov. – eń bastysy biz ózimizdiń ǵalymdarymyzben ǵana shektemeı, álem tanyǵan arheologtardy shaqyryp otyrmyz. Barlyq jerde solaı bolǵan. Mysyrdaǵy ataqty Heops pıramıdasyn ashqan kezde arheologıa salasynyń barlyq úzdikteri jınalǵan bolatyn. Bizdiń Berel, shilikti qorǵandarymyz, Ablaıkıt kamal-monastyri álemdik ǵalymdardyń nazaryna tıisti.  

Tarıh ǵylymdarynyń doktory, profesor Zeınolla Samashevtyń aıtýynsha, zertteý jumystary joǵary deńgeıge kóterildi, al sheteldik mamandardyń tartylýy eki jaqqa da qolaıly.