«Tiri»

Tiri daýys,

Tiri mýzyka.

Aýdarmamyz

Bolǵannan soń osyndaı,

Jaýap beremiz tosylmaı.

Mysaly:

- Ándi qalaı aıttyń,

Qalaı baryp qaıttyń?

- Deseńiz,

- Tirideı daýyspen aıttym,

Tirideı kórip qaıttym.

- Dep jaýap beredi,

Ekiniń biri.

Sózimiz,

Túıeden túskendeı iri.

Óıtkeni orysshaǵa

Qoldan buryp,

Qazaqshany júrmiz

Aýzyna «uryp».

Áı, sonda da,

Ólmeı kele jatqan

Qazaq tiliniń de jany siri.

Jemqorlyq-...qorlyq.

Daǵdarystan aman ótý úshin,

Órkenıettilikke jetý úshin.

Shylqyp baıýymyz,

Bylqyp toıýymyz kerek.

Sosyn damýdy

Jolǵa qoıýymyz kerek,

- Dep bárimiz dúrligip,

Súrinip-qabynyp súrligip.

Kedeıshilikke qarsy

Maıdan ashyp,

Kiristik jeýge ashyq.

Aramza alpaýyttar asap,

Arsyzdar jeńgetaılyq jasap.

Alaıaqtar jurtty aldap,

Sýaıttar janyn jaldap.

Urylar bir jerden jymqyryp,

Jymqyra almasa qymqyryp.

Sybaılastar uıymdasyp,

Aılakerler jalǵan uıym ashyp.

Jalaqorlar jala jaýyp,

Deldaldar paıda taýyp.

Paraqorlar para alyp,

Toqeteri-

-jemqorlyqtyń túr-túri

Bara jatyr taralyp

O, toba!

Eńbek etpeı iship-jeý,

Bolmaı qaldy jańalyq.

                ***

Oý, aǵaıyn!

Adaldap asymyzdy

Jeıik te talǵap-talmap.

Áıtpese aqyrynda,

Ózimizdi ózimiz

Qoıarmyz bir kún jalmap.

Tilemizik

Oryssha sóılegennen

Múıiz shyqsa

Qazaqqa shyǵar edi...

Biraq áli shyqqan joq

Sonda da muny

Kókelerimiz uqqan joq.

Sondyqtan bara jatyr únimiz óship,

Pushaımandyqpen kúnimiz ótip.

Joǵaryda

Ony oılar adam joq,

Óz ultynyń arqasynda

Júrgeni adam bop

Biriniń de qaperine kirmeıdi

Anasynyń tilin kózine ilmeıdi.

Aǵylshynsha úırenińder,

Amerıkandyq kúıge enińder.

- Dep tili shyqpaǵan balany oqytpaqshy,

Batyssha byldyrlatyp shoqytpaqshy.

Qysqasy rezeńke emizikpen emizip,

Aýzyna salmaqshy tilemizik.

Áı, biraq jasandylyq nár bere me?

Oıy shatylyp buzylǵan bala

Ósken soń ákesine ál bere me?

Áldekimge

shymshymalar

Mádenıet qaıratkeri atanǵan –

Shynymen qaıratker me?

Keıbirine qarasań...

Uqsaıdy

Mádenıetsiz «qaıratkerge»

***

Atanǵan qurmetti azamat

Halyqqa qurmetti me?

Keıbirine qarasań...

Satyp alǵan sıaqty «qurmetti» de.

***

Juldyzdar jaıly jazyp bir bet,

Jazýshymyn dep dámetip júr

qurmet.

                   ***

Bolǵannan soń «ataqty»,

Ataqtymyn dep,

Shyǵaryp júr shataqty.

                   ***

Kadrdan kadr tańdaıdy,

Sóıtip,

Qulqynnyń qamyn oılaıdy.

                   ***

Ittiń ózi toısa da, kózi toımaıdy,

Óıtkeni,

It ıttigin qoımaıdy.

                   ***

Oqymasa da ómirinde gazetti

«Shyndyqty jazǵan

Jýrnalıs kórmedim» dep sóz etti.

 Kúlásh Kerimbekqyzy

 Qostanaı qalasy