Pákistan parlamenti otbasynyń ar-ujdanyna nuqsan keltirgen jandy óltirgen adamǵa qoldanylatyn jazany kúsheıtti, - dep habarlaıdy Qamshy.kz Habar24-ke silteme jasap.

Jańa zań boıynsha endi osy sebeppen kisi óltirgen qandy qol qylmysker kemi 25 jylǵa bas bostandyǵynan aıyrylady. Buǵan deıin otbasynyń namysyn aıaqqa taptady dep aıyptalǵan adamdy óltirgen kisi otbasy múshelerimen keshirilse, úkimet ol adamdy eshqandaı jazaǵa tartpaıtyn. Endi ol keshirim ólim jazasyna kesilgen adamnyń ǵana jazasyn jeńildetýge kómektese alady.

Aıta keteıik, Pákistanda jyl saıyn otbasynyń ar-ujdanyna nuqsan keltirdi degen aıyppen myńdaǵan áıel ajal qushady. Máselen, osy jyldyń shilde aıynda is-áreketi otbasynyń ar-ujdanyna nuqsan keltirdi degen jeleýmen Pákistanda tanymal model jáne bloger qyzdy óz aǵasy býyndyryp óltirgen.