«Týǵan jerdiń ústinen ushyp ótken qustar-aı , senderde arman barma eken?! » - mine bul Oralhan Bókeıdiń sózi , men jáne men sáqty qanshama saǵynysh júrekti jandar osylaı oılap keldik? osyndaı sanamen sarǵaıyp keldik?  Men bul keıipteý úshin ókindim. Bizdiń eń názik qataldyqtarymyzdyń biri - qus qaıtqanda qustardy qaıǵysyz tizbektelip bizdi naraý kúıge tastap ketýshiler deýimizde, qustardy masat dúnıeniń turǵyndary dep uǵatynymyzda.

Altaıǵa qarashanyń qary japalaqtaı bastaǵanda Shaısultan dep atalatyn toǵaılyqta edik. Jubaıym qurqyltaı qustyń uıasyn izdep ketken. qurqyltaı qustyń aq maqpal uıasy dúnıedegi eń ǵajap qus uıalarynyń bireýi. jún- jurqany silekeıimen ılep toqyp shyǵatyn qus uıasy omaldyń(revmátızmniń) eń taptyrmas emderiniń biri. Bizdegi jurt ejelden qurqyltaı qustyń uıasyna sol úshin yntyzar bolǵanymen múldem tısip kórmegen, jaz boıy aınalaıyn shákene ǵana qus aınala jem izdep balapandaryn baǵyp qaǵatyn. Bul aınalaıyn qus basqa qústarmen birge shóp býyny qatqanda jyly úıekke ushatyn. Qus ketken soń kóp uzamaı Altaıdyń dástúrli uzynsonar qary jaýady. Adamdar qurqyltaı qustyń uıasyna sol kezde ǵana áreń batynatyn. Toǵaıda sytyrlaǵan butaq kúrsinisi estiledi. Jubaıym maǵan bir naraý sary terektiń butaǵynan qurqyltaı qustyń uıasyn qaǵyp alypty da maǵan ákelip berdi. jup-jumsaq kirpıaz uıany sıpap kórdim. Meniń de januıam osyndaı kirpıaz, osyndaı jumsaq edi dedim. Uıany aınala sıpap, aqyrynda shúmekteı ǵana aýzyna qol júgirtip kórgenim sol edi birdeńeler turǵandaı boldy da aqyryn qysymdap alyp shyǵyp edim júregim tilinip tústi. Ol balapan, ol qurqyltaıdyń etbaýyrlary... qaıdan jatyr... qaıdan jatyr... tas eken, jáı qus emes, sementteı ǵana súrkeıli. Tipti uıanyń ishinde eki balapan bar eken. Bir ýys bolyp ǵana jatyr eken deıtindeı iri de emes qaırandar, eki shókim balapan. Saırap turǵan qus demeıin, aýzyn qaq jarymyn ashqan kúıinde shıpyldap turǵan balapannyń sheberdiń qolymen qatyrylǵan músini. Bul qaıdan kelip tur bul tápeltek músin?... kózimnen jas aǵyzdy... janary da ashyq jaryqtarymnyń, obal- aı, obal...

Anasynan tosyn jaǵdaıda erte aırylǵan kıelimniń bul qaıran zary onyń aǵashtaı bop qatqan kózderinde qys ishinde qaıta búrshik atqany- aı...

Qurqyltaı - anam nár terip júrip abjylanǵa arbalmaǵan shyǵar? Qurqyltaı anamdy alyp qustar tegeýrininde úgip ketpedi me eken?

 Eki shókim tirshilik jetimhanada kózi jáýdiregen sábıler sáqty anasynyń oralýyn kútti me eken? anasynan aıan da kelmedi me eken? anasynyń ósıetin jel ushyrdy ma? aı tunshyqtyrdy ma?

 Ómir bitti. balaýsa tarlandardyń múrdesine qys qarynyń jıyrma ushqynyn jısań dál qabattasatyndaı bolyp tur. Óz uıańda jatyp ólgen osynshama aıanyshty, al, ózge uıada jatyp ólgenderdiń taǵdyry qanshama aıanyshty?

 Jetimder zary? qustar zary? terekter zary?

 Al, aıtyńyzshy , «týǵan jerdiń ústinen ushyp ótken qustarda arman barma eken?»

Aıbota Óskenbaı