Búgin Astanada, Májiliste depýtat etıkasy boıynsha keńes ótti. Keńeste Muhtar Tinikeev budan buryn ǵalamtorda taralǵan, qoǵam tarapynan narazylyq týdyrǵan vıdeoǵa qatysty túsinikteme jasady. Ol barsha qazaqstandyqtardan keshirim surap, depýtattyqtan bas tartatynyn aıtty. Keńeste M.Tinikeevtiń málimdemesi qaralyp, barlyq jaǵdaıdy eskere otyryp onyń sheshimimen kelisti.
Esterińiz sala keteıik, budan buryn «Qamshy» portaly Tinikeevtiń shýly beınejazbasy týraly jazǵan bolatyn. Eks-depýtat «Bul eski vıdeo. Eki jyl buryn bolǵan. Bul ázil» dep aıtyp, artynsha ótirigi ashylyp qalǵan edi.
Birneshe márte shaqyrylymnyń depýtaty bolǵan Tinikeev nesimen este qaldy?
Muhtar Tinikeev 2008 jyly Nursultan Nazarbaevtyń týǵan kúni qarsańynda Astana qalasynyń ataýyn «Nursultan» dep ózgertý jóninde depýtat Sát Toqpaqbaevtyń bastamasyn qyzý qoldap, Qazaqstan prezıdentin Sankt-Peterbýrg qalasyn salǵan Birinshi Petr patshaǵa teńegen.
