Aqyn, jýrnalıs Erlan Tóleýbaı «Boǵda» átti án jazdy. Ol ózi jazǵan án týraly:
«Tarıhy tunyp jatqan alyp «Táńir taý» saharanyń sańlaqtary bolǵan, sadaǵy da saıgezi de altyn, alyp saqtardyń ata qonysy. Sadaǵyn buzaýdaı móńiretip tartqan babalarymyz bul taýǵa «Táńir taýy» dep esim qoıyp ataý etken.
Qıly jyldardyń qıasy tarıh betine, ár alýan áriptermen jazyldy. Sonan keıin uly babamyz Úısinniń kúl tókken qutty qonysyna aılandy. Bul taýǵa babamyz at qoıdy balasy kúl tókti, ergenekti el boldy. Túbi bir túrkilerge de ataqonys mıras boldy. X ǵasyrdan bastap táńir taýy «Boǵda» taýy dep ataldy, Boǵda bálkim baba táńirdiń bir aty shyǵar.
Babasy jazyp balasy oqyǵan tarıh búginge jetti, dalasynda sol babasyna taǵzym etip, Urpaǵy búgin órkendep ósti. Taýap etken taýym, Táńir taýym dep, Boz ordam Boǵdam dep ǵumyr keship jatyr. Men de sol Boǵdanyń sulý tabıǵatyna, tunyq aýasyna, asqar shyńdaryna, qalyqtaǵan qyranyna qaryzdar bir uly retinde osy ánimdi arnap otyrmyn», - deıdi án avtory.
Boǵda – Alataýdyń(Táńir taý – Tán-SHan) shyǵysqa qaraı sozylǵan júldesinde Úrimji qalasynyń ońtústigindegi taýdyń aty. Boǵda kóli Úrimjiden 97 km qashyqtyqta.
Táńir taýynyń soltústik baýraıyna ornalasqan Boǵda kóli qazir Qytaı bıligi tarapynan týrısik aımaq retinde qoldanady. Táńir taýynyń qıys shyǵysyndaǵy Boǵda muzdy shyńynyń keýdesindegi altyn jaqutpen aıshyqtaǵan aınadaı jarqyraǵan, kórkemdigimen kóz súrindirip, barshany ózine baýraǵan áıgili Iahat kórinis aýdany. Ol Sanjy obylysynyń Fýkań qalasynyń shyǵys soltústik taýly alqabyna ornalasqan. Onyń ońtústik jaǵy basyn qysy-jazy aq qar, kók muz qursaýlap turǵan Boǵda muzdy shyńy aıbattanyp, eńselenip kórkem kórinis berip tursa, kóldiń aınalasy taý etegin balaqtap, kómkerip turǵan qaraǵaı shyrshalary etegin sýǵa malyp tur. Boǵda kóliniń bas-aıaǵynyń uzyndyǵy 3400 metr, keńdigi 1500 metr, kóldiń sý betiniń aýmaǵy 4,9 sharshy shaqyrym bolyp, sýynyń eń tereń jeri 105 metr aınalasynda, sý qaınary muz taýdyń ertindi sýyn qaınar etedi de, sýy taza ári móldir, tunyq bolyp, klımaty tabıǵı tórt maýsymdyq klımatqa jatady.
«Qamshy» portalynda tusaýy kesilip otyrǵan án jalǵasyn taba bersin dep tileımiz!
