Reseı men Qazaqstan arasyndaǵy ıntegrasıalyq úderisterdiń beriktiligi synalyp jatyr»
EAEO samıtine birer apta buryn baspasózde qazaqstandyq sheneýnikter men iri kásipkerlerge aqparattyq joıqyn shabýyl jasaldy.
«Eýrazıalyq ekonomıkalyq odaqtyń samıti men Sankt-Peterbýrgtegi Ujymdyq qaýipsizdik týraly shart uıymy (UQSHU) turǵysynan alyp qaraǵanda Reseı men Qazaqstandy qandaı strategıalyq mańyzdy qarym-qatynastar baılanystyratyn aıqyn bilýge bolady» – dep málimdedi saıasattanýshy Sergeı Mıhaılov. Sarapshynyń pikirinshe, buny Nazarbaevtyń pıterlik samıttiń bastalýyna bir kún qalǵanda kelgeni de aıtady. Jeksenbi kúni Vladımır Pýtın men Nursultan Nazarbaev zamanaýı ınovasıalyq tehnologıalardyń damýyna úles qosyp kele jatqan kásiporyndardyń birqataryn aralap shyqty.
«Eki el arasyndaǵy ekonomıkalyq jáne saıası qarym-qatynas jańa deńgeıge shyqty, ıntegrasıalyq úderister kúsheıip keledi, – dep jaǵdaıǵa pikir bildirdi Mıhaılov. – Biraq, ıntegrasıalyq úderisterdiń postkeńestik keńistikte kúsheıtilýi Batysta qarsylyq bildirý áreketin jasaýǵa tyrysatyn kúshterdiń qarsy reaksıasyn týdyrady. Bul joly samıtke birer apta qalǵanǵa deıin baspasózde qazaqstandyq sheneýnikter men iri kásipkerlerdiń qataryna aqparattyq joıqyn shabýyl uıymdastyryldy.
Baqylaýshylar BAQ-taǵy bul kompromatty qazaqstandyq bankır Muhtar Ábilázovtyń Fransıada túrmeden bosatylýymen baılanystyrady. Fransıanyń qoǵamdyq keńesi reseılik bas prokýrordyń olıgarhty ekstradısıalaý jaıly ótinishin qabyldamady. Qazaqstanda saıası shıelenis týǵyzyp, respýblıkada jaǵdaıdy turaqsyz etý úshin qazir batystyq baspasóz Ábilázovtan kezekti saıası «dıssıdent» jasap otyr,» – dedi saıasattanýshy.
Sarapshynyń pikirinshe, qazaqstandyq sheneýnikter men kásipkerlerge qarsy «kompromat» beıbereket jasalǵany tań qaldyrady. Dálel retinde ataqty bankır Keńes Raqyshevtiń haty ınternet betinde tarap ketýi burmalanýǵa ushyraǵanyn aıtýǵa bolady jáne fotoshop men tirkelmegen poshta adresin baıqaý úshin maman bolýdyń qajeti joq.
«Ózi turǵan eldi qaralaý maqsatynda uıymdastyrylǵan Muhtar Ábilázovtyń isi batystyq qorǵaýshylardyń aldynda óz bedelin qaıtaryp, ózine qylmystyq qýǵyndaýdy toqtatý úshin qazaqstandyq basshylyqty osylaısha basqysy keledi», – dep esepteıdi saıasattanýshy.
Saıasattanýshynyń pikirinshe, dál qazir Reseı men Qazaqstan arasyndaǵy ıntegrasıalyq úderisterdiń beriktiligi synalyp jatyr: «Strategıalyq qarsylastardyń arandatý pıǵyly iske asyp ketpeý úshin bizdiń qoǵam, saıası qyzmetkerler bul taqyrypqa asa zor yjdahattylyqpen qaraý kerek».
