Kýbada Fıdel Kastronyń atyn qoǵamdyq oryndarda qoldanýǵa tyıym saldy. Kýbındyq parlament zańǵa sáıkes bir aýyzdan bul sheshimdi qabyldady. Zańda kóshelerdi, alańdardy jáne ǵımarattardy Kastronyń esimimen ataýǵa tyıym saldy. Sondaı-aq, oǵan eskertkish ornatýǵa, onyń beınesin jarnamada jáne komersıalyq maqsatta qoldanýǵa ruqsat etilmeıdi.

Memlekettiń qazirgi basshysy Raýl Kastro onyń aǵasy jeke basqa tabynýdy qalamaǵandyqtan osyndaı zańdy qabyldaǵanyn aıtady. Fıdel Kastro tiri kezinde onyń qurmetine eskertkish ornatyp, kóshelerdi ataýǵa jol bermegenin tilge tıek etti.

Fıdel Kastro osy jyldyń 26 qarashasynda Gavanda 90 jasynda qaıtys boldy. Kastro 1959 jyly kýbındyq revolúsıany basqardy. Bılikti basyp alǵan soń, eldi 47 jyl boıy bıledi. 2006 jyly shildede aýyr halde bolǵandyqtan, memleket basshylyǵyn aǵasy Raýlge tapsyrdy. Alǵashynda ýaqytsha, keıinnen 2008 jyly birjola bılikti qolyna aldy. 4 jeltoqsan kúni ony Santágo-de-Kýba qalasynyń zıratynda jerledi.