Máskeýdegi «Fýdsıtı» azyq-túlik bazasynda jumys isteıtin Ózbekstannyń týmasy áleýmettik jelide halyqtyń qoshemetine bólendi.
Balalar hospısyna kómek kórsetip júriten Irına Fesenko óziniń Facebook paraqshasynda balalarǵa jańa jylǵa arnap abhazdyq mandarınderdi satyp alý úshin azyq-túlik bazasyna barǵanyn jazdy.
Irına Fesenko ol jerden joǵary sanattaǵy birneshe jáshik jemis-jıdekpen qaıtamyn dep oılamady. Irınanyń azyq-túlik alýdaǵy maqsatyn bilgende qarapaıym musylman jumysshy birneshe jáshik azyq-túlikti balalarǵa syılyq retinde berip jiberedi. Onda qurma, qyzanaq t.b kókónister men jemis-jıdekter bar.
«Búgin kún sýyq boldy. Jylyný úshin úıge asyǵyp baramyn. Jańy jylǵa deıin az qaldy. Máskeýdiń balalar hospısynda ótip jatqan aksıaǵa áli mandarın almaǵanym esime túsip (meıram ekenin bildirý úshin mandarın nemese qandaı da bir tátti alyp kelý kerek) kólikti buryp «Fýtsıtıge» qaraı bettedim. Ekinshi qatarda mandarınniń ıisi ańqyp tur. Arbalardyń arasynan ótip, abhazdyq mandarındi izdep kelemin. Túrik, serbtik, sońyna qaraı Abhazıa degen jazýdy kórdim. Dámin kórdim...joq, ol emes. «Anammen ant etemin, Abhazıa» deıdi satýshy. Bylaı aldaýdyń qajeti ne? Kúná ǵoı bul...Janym jabyrqap tur. Úsh jáshik serbtiń dámdi mandarınyn satyp aldym. Onyń barlyǵyn tájiktiń arbasyna salyp, shyǵyp baramyz. Shyǵa beriste ózbek qaýynyn kórip qaldym. Merekelik dastarhanǵa suranyp turǵandaı. Satýshy qaýyndy ólshep turyp «ózińizge mandarındy artyǵymen satyp alǵan joqsyz ba?» dep surady. Bul balalar úıine jańa jylǵa arnalǵanyn aıttym. Oryssha nashar sóıleıtin satýshy «qaıda?» dep qaıta surady. Birden qurma salynǵan jáshikti alyp mynany meniń atymnan balalarǵa berersiń dedi» dep jazady Irına Fesenko.
Er adamnyń bul áreketine tánti bolǵan Irına mundaı jomart syıdan bas tarta bastady. Satýshy eshteńege qaramaı balalarǵa óz syıyn beretinin kesip aıtty.
«Bul syıyńyzǵa qalaı rızashylyǵymdy bildire alamyn» degen saýalǵa «Alla, Omardy marapatta» degen sóılemdi aıtýdy surady.
«Sezimderim bir-birimen shatasyp ketti...Alaıyn ba, álde almaıyn ba...qalaısha tegin...Osy kezde satýshy oıymdy bólip jiberdi, olardyń analary joq pa? Analary bar biraq bul balalar aýrahanada jatyr. Kóbisi jazylmaıtyn aýrýǵa shaldyqqan. Biz olarǵa kishigirim meıram uıymdastyryp bergimiz keledi. Sol kezde er adam bir jáshik ózbek qyzanaqtaryn alyp meniń arbama saldy. Bul da balalarǵa. Joq...kerek emes...ony jeýge bolmaıtyn shyǵar (ishteı bul jigitti qalaı rızashylyǵymdy bildiretinimdi túsibeımin)...Bolady..men bilemin...bolady deıdi ol. Tek bul syıymdy bergende «Alla, Omardy marapatta» dep aıtsańyz boldy» dep qorytyndylady Irına Fesenko.
Derek kóz: nuz.uz
