Túrkıanyń prezıdenti Redjep Taııp Erdoǵan AQSH basqarýyndaǵy «Islam memleketi» terrorıstıkalyq topqa qarsy kúres júrgizetin koalısıany aıyptady. "Ýádelerińde turmadyńdar jáne terrorısterdi qoldadyńdar" dep kiná taqty, dep habarlaıdy Deutsche Welle .
«Koalısıanyń kúshi, ókinishke qaraı, dál qazirgi sátte bergen ýádelerin ustanbaıdy», – dedi Erdoǵan Ankaradaǵy pres-konferensıada.
Onyń sózinshe, koalısıa «IG» jáne kúrdtik «Halyqtyq ózin-ózi qorǵaý jasaǵyna» qoldaý bildirip otyr.
«Olar bizdi IG-ǵa qoldaý bildirip otyr dep aıyptady. Al endi ózderi terrorıstıkalyq topty qoldap otyr, onyń ishinde IG, YPG jáne PYD bar. Oǵan kúmán joq. Bizdiń qolymyzda sózimizdi aıǵaqtaıtyn sýretter men vıdeojazbalar bar», – dedi R. Erdoǵan.
