Búgin QR Ulttyq ekonomıka mınıstri Qýandyq Bıshimbaev qyzmetinen ketti, - dep habarlaıdy Qamshy.kz.

Mınıstr portfeli Tımýr Súleımenovke buıyrypty. Jańa mınıstrdi mınıstrlik ujymyna premer-mınıstr Baqytjan Saǵyntaevtyń ózi tanystyryp ketken. Tımýr Súleımenov 2010-2012 jyldary QR Ekonomıka jáne saýda vıse-mınıstri bolǵan. Resmı aqparat birneshe ýaqyttan soń taraıdy.

Qýandyq Bıshimbaev QR Ulttyq ekonomıka mınıstri bolyp 2016 jyldyń 6 mamyrynda taǵaıyndalǵan edi. Arada 8 aı ótkennen keıin qyzmetinen bosady.

Tımýr Súleımenov 1978 jyly 5 sáýirde týǵan.

2000 jyly Pavlodar memlekettik ýnıversıtetin bitirgen. 2002 jyly “Bolashaq” baǵdarlamasy boıynsha Merılend ýnıversıtetin iskerlik ákimshilendirý magıstri mamandyǵy boıynsha bitirgen.

2009 jyldan bastap Qazaqstan Respýblıkasynyń Ekonomıka jáne búdjettik josparlaý vıse-mınıstri.

2010 jyldan bastap 2012 jyl aralyǵynda – Qazaqstan Respýblıkasynyń Ekonomıkalyq damý jáne saýda vıse-mınıstri.

2012 jylǵy 1 aqpannan bastap – Eýrazıalyq ekonomıkalyq komısıanyń Ekonomıka jáne qarjy saıasaty jónindegi Alqa múshesi (Mınıstri).