Assalamýǵaleıkúm Nurlan aǵa! Jumysyńyzǵa sáttilik, januıańyzǵa baqyt tileımin! Sizben kezdeskende, sóz sońynda: «Iá, alda áli talaı qyrýar jumystar bar» - degenińiz esimde. Árıne, ómir kúres! Birde jeńis, birde jeńilis! Demalyp, jaýǵa shabýdan qaıtpaǵan qazaqtyń tuqymdary emespiz be?
«Aıta aıta Altaıdy, Jamal apaı qartaıdy» degendeı, qaqsap-qaqsap, aqyry Qulsarydaǵy jezóksheler úıi bıylǵy 2017, qańtardyń 9-y kúni túbegeıli jabyldy. Men bul máselelerdi amalsyz jelilerge salyp, bolmaǵan jaǵdaıda qyrýar qarsy adamdardyń qolymen QR Joǵarǵy soty men QR Bas prokýroryna joldamaq bolǵanmyn, namysty jigittermen de, BAQ arqyly da sheshemin dep túıdim. Jelini shýlatqan bul maqala «jaman úıdi» osy ýaqytqa deıin qorǵap kelgen aǵaly-inili jandardyń (Jyloı aýdany İİ Bóliminiń quqyq qorǵaý qyzmetkeri men Inder aýdanynyń prokýrory) qolyna túsken. Túsken maqalany balalady sheshelerine kórsetken. Ár tańda uldarynyń tileýin tilep otyratyn namazhan sheshesi bul isten múldem beıhabar eken. Sol boıda ashýǵa minip, ǵımaratyn jaldap otyrǵan jezókshelerdi áı-sháıǵa qaramaı túgelimen tyrqyratyp qýyp shyqqan. Ábden kóshirip bolyp Anar esimdi shesheleri maǵan úıime kelip istiń mán-jáıin tolyǵymen túsindirip berdi. Núktesi qoıyldy, ıaǵnı bul is osymen tamam!
Eń bastysy, urpaqty jamandyqqa bastaıtyn bir kúná oshaq jabyldy. Bul da jeńis! Endigi, sizge aıtpaq ekinshi máselem bylaı bolyp tur. Maǵan Qulsary jastary atynan qorjynǵa kóptegen hattar kelip túsedi. Árıne, men shamam kelgeninshe bárine aqylǵa salyp, salıhaly, beıbit túrde jaýaptaryn berip otyramyn. Maǵan tıimdisi – ógizdiń ólmegeni, arbanyń synbaǵany, arbakeshtiń japa shekpegeni. Sonyń ishinde myna máseleni qur jaýappen qaldyrýǵa bolmaıtyndaı kórinip otyr maǵan. Qulsary qalasy, 3 shi móltekaýdan turǵyny 25 jasar Gúlmıra Saǵatqyzynyń: «Myna túrimizben bizde qandaı bolashaq bar?» - degen shyryldaǵan jan aıǵaıy meni beı-jaı qaldyrmady. Onyń jibergen nárselerin kórip men jaǵamdy ustadym. Biz jaýdy daladan keledi dep úreılenip júrgende, jaý óz ortamyzdan, óz ult-urpaǵymyzdan, óz jastarymyzdan shyǵyp, bizdiń salt-sana nebir qundylyqtarymyzdy shaıtan tispen kemirip jatqandyqtary eriksiz janyńa batady eken. Qazaqtyń: «Jaý joq deme, jar astynda, bóri joq deme, bórik astynda» degen ushqyr maqaly osynyń dáleli bolyp otyr. Bir jamandyqtan qutylyp «ýf!» dep, arqany keńge sala bergende, myna jaqtan ekinshi zulmat boı kótere qoıdy. Qulsarydan «Kýrısa Kýlsary, Bomba Kýlsary, Kýlsary detka» degen jaman las, anaıy toptar ashyldy. Bulardyń endi atqaryp jatqan shaıtanı is-áreketteri óte sumdyq! Jezókshelik, ashynalyq kerek pe, zınaqorlyqtyń shekten shyqqan aýyr «tájelyı» túrleri kerek pe, qyztekeler kerek pe, búkil aýyr, jeksuryn jynystyq qatynastyń bári osy topta. Jáne de keıipkerleri óńkeı óz qazaǵymyzdyń besikten áli beli shyǵa qoımaǵan, oń men solyn ajyrata qoımaǵan, aýzynan ana súti keppegen, áli albyrt, aýmaly kezeńniń qyl ústinde turǵan ýyljyǵan jap-jas súıkimdi qyzdary. Iaǵnı, bolashaq kelinderimiz, bolashaq jarlar, bolashaq analar, erteńgi kúngi ájeler! Al joǵarydaǵy aty atalǵan azǵyryndy toptar urpaǵymyzdyń tapa-taltúste essiz adasýyna zor úlesterin qosyp otyr. Olar tipten qatysy joq jap-jas qazaq qyzdarynyń da sýretterin tel nómirlerimen qosyp topqa jarıalap jiberip jatyr.
Qarańyz, jabyq, qorǵan úıde otyryp alyp, ınternet jelisin jamandyqqa sheber paıdalanyp, bir adamnyń ózi qansha kózsiz urpaqtyń shamadan tys azýyna, haıýanı sezimmen joldan taıqýyna septigin tıgizip otyr? Qara da tur, myna túrmen erteńgi kúni «Zoofılı Kýlsary, Pedofılı Kýlsary, Manákı, Lúdoedy Kýlsary, Semeınyı ınsest Kýlsary» degen toptar anyq ashylady. Der kezinde kúre tamyrǵa balta shappasa, aldyńǵy toptar bunyń alǵashqy baspaldaǵy bolyp qalady. Sonda bári kesh, barmaq shaınaý paıdasyz bolmaq. Aýyr da bolsa aıtaıyn, endigisi, jeti atadan aspaı qyz almaǵan tekti qazaqtyń birimen-biri (aǵasy men qaryndasy, sheshesi men balasy sıaqty) shaǵylysýlary qaldy? Qulsarynyń keıbir aıaldamalarynda úlken etip, baqyraıtyp qoıyp qyzyl syrmen jazyp qoıǵan «Kýlsary detka» degen jazýlarǵa deıin paıda boldy. Bul endi jaman toptyń ashyq jarnamalary men aıqyn siltemeleri. Qaımaǵy buzylmaǵan qazaq aýyldardan kúnáhar jastardyń ishki «evrokúná» jarǵylary men jymysqy sasyq ıisteri múńkip shyǵa bastady. Kúle kirip kúńirene shyǵatyn batystyń bylyǵynan qutylý endigi jerde zor azapqa túsedi. Men qaýip etkennen aıtamyn. Zańda bularǵa qadaǵalaý joq pa? Qazaq: «İshten shyqqan jaý jaman!» degen. Rasynda da bizdiń bolashaq bulyńǵyr! Mundaı jastardan quralǵan ult jaýlaryn túp-tamyrymen túbegeıli joıý kerek! Eshkimniń arashasyn qajet etpesten kózderin túgel qurtý kerek! Mundaı topty ashqandarǵa, ashýǵa sebep bolǵandarǵa da zańnyń eń qatań, eń kúrdeli túrin qoldaný kerek! Meıilinshe aýyr jazalaý kerek! Merzimniń eń kóbin taǵaıyndap, barsa kelmes, yntyqtyń túbine bir-aq jiberý kerek! Osy máselede Atyraý aımaǵy boıynsha barlyq İİ Departamenti, İİ Bólimine, UQK-ne, Prokýrotýra, qandaı da bir qatysy bar quzyrly oryndardyń bárine, barlyq meshit ımamdaryna aımaqtyń patshasy retinde shuǵyl túrde qatań tapsyrma berýińizdi suraımyn!
Tómende Gúlmıranyń hatyn yqshamdap jiberip otyrmyn. İshinde jaman toptaryń kilti kórsetilgen. Sonymen ashyp qarasa, bylyqqa kóz jetedi.
«https://vk.com/kulsari18 osyndaı las top ashylypty. Iesin jaýapqa qalaı tartýǵa bolady? Ol toptyń admın sozdatelinin ssylkasy https://vk.com/id400182890
Qazaq qyzdaryn qorlaýda. Jáne jala jaýyp jezóksheler qataryna qosyp sýretteri men nómirlerin salýda. Ulttyq qaýipsizdik komıteti men prokýratýra tabady. Qandaı telefon nómirmen ashsa da. Mine osy naıis topta https://vk.com/kulsari18 qyzdar men olardyń nómirleri jazylyp tur. Kýrısy Kýlsary degen top. Pornografıa men jala jabý. Bul top bara-bara barlyq qyzdardyń sýreti men nómirlerin salyp QAZAQ QYZY degen atqa kúıe jaǵyp eldi azdyrý saıasatyn júrgize beredi. BOMBA KÝLSARY, QULSARY DETKA degen toptar taǵy bar. Siltemesi mine: https://vk.com/bombakulsary Mazaq pen keleke jáne jala jabý toby bul. Qazaq qazaqty Mazaq qylǵanyna máz.»
Jyloı aýdany, Qulsary qalasy
Turar Shapqara
