Qaraǵandy oblystyq Qazynashylyq departamentiniń basshysy áshkere boldy, - dep habarlaıdy Tengrinews.kz tilshisi Sybaılas jemqorlyqqa qarsy is-qımyl ulttyq búrosyna silteme jasap.

Antıkorrýpsıalyq qyzmet jemqorlyq zańbuzýshylyqtardy anyqtap, nátıjesinde birqatar laýazymdy tulǵa áshkere bolǵan.

QR Qarjy mınıstrliginiń oblystyq qazynashylyq departamentiniń jetekshisi Nurpeıisov óz qaramaǵyndaǵylardan birneshe ret para alǵan. Departamenttiń laýazymdy tulǵalary jetekshiniń orynbasarlarynyń biri arqyly Nurpeıisovke syıaqylarynyń 150 myń teńge somasyndaǵy bóligin Qarjy mınıstrliginiń ortalyq apparatyndaǵy komısıamen kezdesý uıymdastyrý úshin berip otyrǵan. Departament basshysy Nurpeıisov óz kinásin tolyqtaı moıyndap otyr. Osy derekter boıynsha sotaldy tergeý júrgizilip jatyr".

Osyǵan deıin Eńbek gıgıenasy jáne kásibı aýrýlar ulttyq ortalyǵynyń basshysy Qanat Sákıevtiń para alǵanyn moıyndaǵany habarlaǵan.

"Jemqorlyq zańbuzýshylyq anyqtaldy, onyń nátıjesinde birqatar laýazymdy tulǵa áshkere boldy. Eńbek gıgıenasy jáne kásibı aýrýlar ulttyq ortalyǵynyń basshysy Q. Sákıev "Densaýlyq" QR densaýlyq saqtaýdy damytý memlekettik baǵdarlamasynyń aıasynda dári-dármekterdi jetkizip berýge satyp alýlar boıynsha kelisimshartqa kedergisiz qol qoıý arqyly jeke kásipkerlerden júıeli túrde para alǵan", - delingen habarlamada. Sákıev óz kinásin tolyqtaı moıyndap otyr eken. Osy derek boıynsha sotaldy tergeý júrgizilip jatyr.