23 tamyz kúni Elordadaǵy Abaı eskertkishiniń aldynda qazaqtyń uly aqynynyń týǵan kúnine arnalǵan «Abaıdyń án álemi» atty merekelik shara ótedi. Bul týraly Astana qalasy Tilderdi damytý basqarmasyna silteme jasap QazAqparat habarlady.

Sharanyń basty maqsaty - Abaıdyń san qıly murasyn nasıhattaý, alýan taqyryptaǵy ánderi arqyly sýretkerdiń estetıkalyq álemin tanytý. Shara Abaı eskertkishine gúl qoıý rásimimen bastalady. Atalǵan kesh barysynda Qazaqstan Respýblıkasynyń eńbek sińirgen ártisi, ónertaný profesory Kenjeǵalı Myrjyqbaıdyń «Qaıran jurtym», «Ólse de tabıǵat adam ólmes», «Qarańǵy túnde taý qalǵyp» (úsh tilde), Qazaqstan Respýblıkasynyń eńbek sińirgen qaıratkeri Janat Shybyqbaıdyń «Kózimniń qarasy», Qazaqstan Respýblıkasynyń eńbek sińirgen qaıratkeri Gúlzıra Bokeıhannyń «Tatánanyń áni», qazaqtyń dástúrli ánderin naqyshyna keltire aıtyp júrgen tanymal ánshi Erlan Rysqalıdiń oryndaýlarynda «Segiz aıaq», «Boıy bulǵań» sıaqty Abaıdyń tanymal ánderi shyrqalady. Sonymen qatar, Q.Qýanyshbaev atyndaǵy Memlekettik akademıalyq qazaq mýzykalyq drama teatrynyń ártisteri Abaıdyń ómirinen daıyndalǵan qoıylym kórsetedi. Bıyl Abaı Qunanbaıulynyń týǵanyna 169 jyl toldy.

Qamshy-aqparat