30 jastaǵy Daýd Aýshev Samaraǵa bes jyl buryn kóship kelgen. Jazdyń ystyq kúninde ol parkte dosyn kútip turady. Alaıda kenetten bir jaıtty kózi shalyp qalady. Kishkentaı qyzdyń qolyn qysyp ustap alǵan er adamdy baıqap qalady.

Alǵashynda Daýd qyzdyń ákesi shyǵar dep oılap, aralasqysy kelmeıdi. Biraq keıinnen Aýshev balanyń aqyryn daýsyn estip qalady. Qyz óziniń úıine qaıtqysy keletinin aıtyp, jiberýin ótinedi.

Kavkaz jigiti birden túsinip, shıraq qımyldaı bastaıdy. Ol qastaryna baryp, baladan er adamnyń oǵan kim bolyp keletinin suraıdy.

Ol ony tanymaıtynyn aıtady. Jospary iske aspaı qalǵandyqtan ashýlanǵan pedofıl balany ıterip jiberip, Daýdqa pyshaq ala júgiredi.

Óz-ózin qorǵaý maqsatynda ol jerde jatqan synyń bótelkemen azǵynnyń basynan bir qoıyp, qolyn qaıyrady. Bári jyldam bolǵany sonshalyq, ótip bara jatqan adamdar tóbelesti Aýshev bastady dep oılap qalǵan. Alaıda qyz bolǵan jaıtty aıtyp bergen soń, jaǵdaı ornyna keldi.

Sol ýaqytta qyzdyń ákesi kelgen soń, Daýd oqıǵa ornyn únsiz ǵana ketip qalady. Tek jarty jyldan soń, qyzdyń otbasy qutqarýshysyn taýyp, alǵysyn aıtady.

Qarapaıym ári salmaqty jigit ózin marapattaýdan bas tartyp, «batyr» sanamaýyn ótindi. «Mundaı áreketke kez kelgen jigit barady», – deıdi Aýshev.