Sergeı Kýlagındi Qostanaı oblysyna ákim qylyp qaıtarý kerek. Ieliginde jer bolsa bolar. Jeke sharýashylyǵy bar sıaqty. Oǵan bola kinálaý orynsyz. Qostanaıda egindik jerlerdiń kóbisi orystardyń qolynda. Nanbasańyzdar kelip kórińizder. Biraq olar qarapaıym sharýalar. Eginin egip salyqtaryn tólep otyr. Tipti pálen mıllıon gektar jerdi Reseı jalǵa alyp otyr ǵoı. Jerdi qorǵadyq deımiz. Ne qorǵaǵanymyzdy bilmeımiz. Jaraıdy jerdi qorǵap qaldyq deıik. Sol qorǵaǵan jerimizge egin egýmiz kerek qoı. Jer emýimiz kerek. Qazaqtar jer ıgerse eshkim qoı demeıdi. Fb-daǵy jer qorǵaǵan qaısymyz egin egip otyrmyz? Baryp egeıikte. Ońtústik oblystarda kókónis, maqta egetin qazaqtar kóp árıne. Ózbekter kóp aýdandar da ózbekter kókónis egip tabys tabady dep estidim. Úıimizdiń aýlasyna da ekpeımiz kóbimiz. Bazarǵa barsam orys kempirleri tuzdalǵan qıar satyp turady. Qazaqtar shylym men shemishke, náskı satyp turady. Kókónis satatyndar ózderi ekpegen, únemi suraımyn ózderińiz ektińizder me dep. Aıtaıyn degenim ol emes ákim jaıly. Sergeı Kýlagın isker ákim edi. Kýlagınniń kezinde Qostanaı oblysynda qanshama is tyndyryldy. Únemi el aralap eldiń jaǵdaıymen tanysyp júretin. Qanshama aýylǵa sý tartyp berdi. Tipti shalǵaıdaǵy bizdiń aýylǵa deıin kelip ketken. Jaı kelip ketpeı mektepti jóndeýge qarjy bóldirip, sý tartqyzdy. Aýdandyq aýrýhanany jóndetti, medısınalyq qural jabdyqtar alýǵa qarjy bóldirgenin baspasózden oqydym. Arqalyqtyń aýrýhanasyn jóndetti. Arqalyqtyń "Qus fabrıkasyn" ashtyrǵan osy Kýlagın. Eshqandaı óndirisi joq Jankeldın aýdanynda Mal uryqtandyrý pýnktin saldyrǵan. Rýdnyıda qazaq balabaqshalaryn ashqyzdy. Qanshama úıler saldyrdy. Stýdentterdiń jatahanalaryn jóndetti. Arqalyq- Torǵaı tas jolyn jóndetti. Kýlagınniń kezinde oblystaǵy barlyq aýrýhanalar jóndeýden ótkizildi desem ótirik emes. Kásiporyndar ashqyzdy. Aýdan ákimderinen jumys oryndaryn ashýdy únemi talap etetin. Jemqorlyq azdaý boldy. "Tobyl" fýtbol klýbynan da nátıje talap etip chempıon qyldy. Bylaısha aıtqanda Kýlagın qazaqtyń Berdibek Saparbaevy edi. Kabınetinde otyrǵan kezi sırek edi. Meshitterge deıin kirip shyqqan. Kýlagındi maqtap otyrǵan joqpyn istegen isterin aıtyp otyrmyn, muny Qostanaılyqtar jaqsy biledi. Oblystyq gazetten únemi oqyp otyratynmyn. Pıar úshin emes, shynymen jumys isteıtin edi. Al qazirgi ákim Arhımed Muhambetovtiń isi kórinbeıdi. Jóndelgen eshteńe joq. Ashylǵan kásiporyn joq. Kabınetinen shyqpaı ma birdeńe. Aýdandardy aralamaıdy. Taǵaıyndaǵan aýdan ákimderi de eshteńe istep jatqan joq. Arhımedtiń orystyń kishkentaı qyzyna mysyq syılaǵanynan basqa isin oqymadym. "Tarıhqa taǵzym" jasaıyn dep júrgen tarıhshy ma birdeńe, áıteýir astardan ǵana tóbe kórsetedi. Arhımed jaqsy adam shyǵar, biraq jaqsy ákim emes. Orny senatta sıaqty. Bizge isker ákim kerek. Qolynan is keletin ákim jibersin. 

Málimet Dáýlet Serikbaıdyń facebook paraqshasynan alyndy.